Saamaynta Uu Gurriga Saylici Ku Leeyahay Guusha Hordhaca Ah Ee Uu Gudoomiye Muuse Biixi Ka Gaadhay Hanashadda Xubnaha Gollaha Dhexe Ee Xisbiga KULMIYE .

Hargeisa(GNN):-Gurri uu Magaaladda Hargaysa ka degan-yahay Madaxweyne Ku-xigeenka Somaliland MD. Caddiraxmaan Cabdilaahi Ismaaciil (Saylici),ayaa waxa uu ahaa Xarrun saldhig u ah qaar ka tirsan Garbayadda Xisbiga KULMIYE,kaas oo keenay in si weyn uu Warbaahinta usoo galo saamaynta ay taladda Aqalkaas lagu soo gooyaa ku yeelan jirtay Haddaba Xiisadda siyaasaddeed ee Dalka ka alloosan,gaar ahaana Khilaafkii sannadkii hore ka taagnaa Qabashadda Shir-weynaha Xisbiga KULMIYE iyo dhawr jeer oo ay Xukuumaddu isku dayday inay Kursiga ka tuurto Gudoomiyaha Gollaha Wakiiladda Somaliland,MD. Cabdiraxmaan Maxamed Cabdilaahi (Cirro),waxaana halkaas Habeenkii kusoo shir-jiray Xildhibaanadda Muxaafadka ah ee Xisbiga KULMIYE.Sidoo kale markii uu Alloosnaa Khilaafka Xisbiga KULMIYE ee Qabashadda Shir-weynihii dhacay Sannadkii hore,ayaa waxaa la xasuustaa inay Xarrun ay kusoo kala talo iyo go’aan qaataan ay u ahayd garabkii kasoo horjeeday Hogaanka Xisbiga oo uu ugu cad-cadda Wasiirkii hore ee Maaliyadda Cabdicasiis Maxamed Samaale iyo Madaxweyne Ku-Xigeen Saylici.GURIGA-SAYLICI

Haddaba,hal sanno ka dib waxa hoos o dhacsan Saamaynta uu Gurriga Saylici ku leeyahay Loolanka Xisbiga KULMIYE,Waxaana dadka Siyaasadda Somaliland ku foogani sheegayaan in markii uu Gudoomiye Muuse Biixi uu Saylici u ballan-qaaday inuu Ku-xigeen u noqonayo uu iska Al-babaada u laamay goob uu Go’aamadii ka dhanka ahaa ee laga soo saari jiray xusuus dheer ku leeyihiin,gaar ahaana Markii ay is-hayeen Madaxweyne Siilaanyo ee Musharaxa Madaxweyne ee Xisbiga iyo markii ay Gudoomiyaha Xisbiga isku hayeen Samaale.
Gabiley News Network
Axmed Almis