Fadalocadaanta Turkiga Ee Midnimada Soomaaliyeed, Qalinka : C/Raxmaan Sayid Faarax (Jeesto)

Fooganaantiisa Waxay Ku Qanacdo Somaliland Iyo Faylka Madhanee Wada Hadalada. Faalo:

Dawlada turkigu waa liiska hore ee Duwalka caalamka waxaaney leedahay baaxad siyaasadeed oo xadigeeda leh haday tahay dunida muslimka ah iyo dunida kaleba, Marka la eegayo xidhiidhada iyo macaamilka ka dhexeeyey Dawladan iyo umada soomaaliyeed waxay saaxiibo dhaw ahaayeen Dalkan turkiga dadyawgii hore ee gayigan Somaliland daganaa, Qiyaastiina waxay ay ahayd taariikhdu ilaa qarnigii 17aad xiligaasi oo ay umadaha Turkiga iyo kuwa Somaliland ay ahaayeen umado walaalo ah, Waxyaabaha lagu xasuusto waxaa ka mid ah Aasaar qadiimiya oo ay ka mid yihiin Masaajidka turkiga ee Berbera iyo waliba calaamado badan oo ilaa hada dhismahoodii ku yaalo magaalada Saylac.
class=”gmail-MsoNormal” style=”color: rgb(0, 0, 0); font-family: Verdana; font-size: x-small;”> Wixii intaa ka danbaysey Dawladan turkiga waxaa aradka soomaaliyeed ugu danbaysey ka hor intaaney mustacmaradu gacmaha ku dhigin gayiyada ay soomaalidu dagto, Halkaasna waxa ku dhamaadey mucaamalaadkii ka dhexeeyey ee dhinac walba ahaa sida ganacsiga, isticmaalka marinka muuhiimka ah ee Bad yarada cadmeed, iyo arimo kaloo muhiim ahaa, Qodobadaa aan soo naaqishney ee ay ku saaxiibeen waxa xiliyadaasi u go,ay shufta, waxaana badashay dardartii iyo danayntii gumaystaha bayjkaasina halkaas ayuu ku soo gabagaboobey.

Hadaba turkigii mudadaa dheer soomaali oo dhan ka maqnaa wuu ku soo guryo noqdey soomaalida dhexdeeda isagoo wata mabaadii cusub oon daniyo nasteexna u ahayn dawladan Jamhuuriyada soomaliland, Yadoo uu ka soo galey dhinaca koonfurta soomaaliya ee ay S/land ka go,ayso, Koonfurta soomaaliya oo ay riiqeen dagaalo, colaad raagey, Taasina waxay u saamaxdey in turkigu taageero iyo mucaawimooyin ay ku soo galaan gudaha soomaaliya ama garab-gal ay ku sheegaan soo tiirinta umada soomaaliyeed yagoo eegaya muslinimo.
Hadaba turkiga arinta gacan qabashada soomaaliya kama aha walaalnimo, muslinimo, Iyo ka nixidba balse waxay ka tahay daynayn arimo gaara oo door u ah dawlada turkiga kuwaasi oo looga duulayo sidii soomaali loo midayn lahaa gaar ahaan labada dhinac ee moranku ka jiro soomaaliland iyo soomaaliya, Lamana oga xaqiiqda dhabta ah ee uu ka damacsan yahay turkigu xataa ma jiraan ifafaalo siyaasadeed oo ka muuqda ujeedka dawladani ku riixayso hirgalinta midnimada, Sidaa awgeed waxay geed walba u fuuleen siday soomaaliyada koonfureed u hanan lahaayeen weyna anbaqaadey yadoo macaa kalsoonideedii wadata.
Ta ugu darinana waa yada oo aaney jirin wax qorshe ah kaasi oo jihaysan wada hadalada teeda kale ma jiraan wax cad , cid haysaana ma jirto, Lamana diyaarin dunida wey og tahay markaa waxa inoo muhiima in hadii aan fahmi weyno aynu ka gaashaamano oo aynu iska giijino mooradaa cakiran ee la hadheysan s/land iyo qadiyadeeda, Kuna suntanaan mayno gogol indho sarcaada oo turkigu ku dagayo dunida iyo xawlal caalamkaa ansixinaya dawladnimada iyo madaxbanaanida ama ka mid noqoshada beesha caalamka.
DHinaca kale markaan ka istaagno xaga dibloomaasiyada turkiga oo ay ka go,an tahay isku darka dalalkan sidoo kale sameeyey talaabooyin wax ka oola kuwaasoo kor u qaadey hanashada iyo leexleexinta arimihiisa hadba halkay fogaska saarayaan, Isla markaana meel u xaadhaya bundhigii ama wadiiqadii laysugu iman lahaa si ay u fusho barnaamijka dawlada turkigu, Waxa uu turkigu ku guulaystey inuu beesha caalamka tuso dhaayaheeda in la wada hadashiinayo soomaaliya iyo Somaliland isaguna uu ka yahay ka suluxa wada inkastooyna muuqaalkaasi aanu dhab ahayn oo meesha qal uu u samaystey turkigu, Wada hadalkan oo marka dhinac la istaago waa jaanis dibloomaasiyadeed ama guul wayn oo Somaliland u soo hoyatey, Laakiin wuxuu u gacan galey nin uurka dabaya oo u doonyeystey fishilaada soomaliland.

Yadoo xaalku sidaa yahay waxa xeerin mudan inaan laga tagin isu tashiga, wax is weydiinta, iyo is wareysiga maadama uu uurka dagayo turki, In aan layska taraarixin ee wax la tabo qaranimada iyo jiritaanka soomaaliland ee la wiiqayona meel looga soo wada jeesto, Si aan loo guul dareysan mana aha in kaliyaata ay xukuumadu isku koobto ka qayb qaadashada wada hadalka oon tuushka layska roorin, Rukunkani wuxuu adkaynayaa adkaanshaha madbada,a mawqifka S/landnimo ee inagu sutan een u soo marney diiftiyo diihaalkii la ogaa dhamaan caruur iyo cirooleba.

Ku darsoo waa ineynu ku xisaabtanaa waa maxay masuuliyada turki, Muxuuse u hayaa S/land amaba waa maxay doorka uu dalkeena ka ciyaaraa, Jawaabtu waa ma jirto wax uu Somaliland u hayaa tootalina wax doora kuma laha waxaana xusid mudan go,aan qaadashada meel looga soo jeesto cadawnimada turkiga ee Somaliland iyo in aaney suuragalin dabinada uu maleegayaa waayo umada reer s/land waxba kama yaalaan midnimo soomaaliyeed iyo waxyaalaha khayaaliga ee laga sheekeeyo.

Adeer hadaanu turkigu ku shaqaynayn hab-dhaqankeena siyaasadeed hayna nabad galiyo oo hana fasaxo walaa macaamilaad,walaa xidhiidh midna xeerin mayno qunsuliyadiisa yarna aan u laabno ilayn isaguba waa kan diidan siyaasadaadii mucayanka ahayd ee ka hor yimidey, Adna waxaad ugu gudaa halkii hadraawi lahaayoo kale (NIN IDHI SIANAANMAYNO ADNA BURI SAREYNTIISA) waakaa isba ku xaqiree aduu sar dahaba haw yagleelin oo taasi madnuuc hakaa noqoto.

Ka qarsiga indhaha ee ku aadan qadiyada S/land xaga dawlada turkiga waxa kuu cadayna Danjiraha u qaabilsan soomaliya mudane(Muzaffer Yukles) oo isagu cadeeyey in turkiga aragtidiisu tahay kaliya midnimada umada soomaali weyn la yidhaahdo oo aaney wax kale mareyn, Run ahaantii waxaad halkaa ka dheehan kartaa mawfiqka cad ee aan mad-madwga lahayd ee ay dawlada turkigu ku qaabishey maseerkeenii, Taasina waxay kuu cadaynaysaa inuu turkigu yahay mas aan caano siinano adeer dhammaantii hayna dhaafo, Wada hadalada la sheegona yagana sheeg-sheegood hadhan oo aan ka tanaasulo waa intaasoo qodobo caqabadii ay qoorta kuugu duumaane.
W/Q: C/raxmaan Sayid Faraax (Jeesto)
Diplomatic Annalysts

********************************************************************
Gabiley.net marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeda sida. waxa kaliya oo Gabiley.net dhiirigalinaysaa, isdhaafsiga aragtida, canaanta gacaliyo talo wadaagga