Hadii Aynan Lahayn Ficilo Qaran Miyaynan Lahayn Fiiro Dhaqaale !!!.

Dhibaatooyinka uu qaadku ku hayo arimaha bulshada iyo qoyska ma aha mid qalin iyo qoraal lagu soo koobi karo waana arin qofkii u kuur galaa uu fajac iyo dhabano hays kala kulmayo, cunista qaadku waxay burburisay qoysas badan oo nabad iyo nolol ku naaloonayay,

waxay dayac iyo darxumo baday ubad badan oo mustaqbal iyo aayo wanaagsan ku haminaayey,

waxay dhabqisay horukacii iyo badhaadhihii umaddani higsaneysay ee ay gaadhi lahayd , si kastaba ha ahaatee dhibaatooyinka bulsho ee uu qaadku leeyahay waxaan ka taataaban doonaa dhowr madax oo halis ah

> Musuqmaasuq: qaadku waa asalka iyo hoyga musuqmaasuqa iyo falal dambiyeedyada la

galo, ninka qayilaa wax kasta waxaa uu dhaafsadaa karaa mijin jaad ah oo uu wahabka iskaga duuliyo,isaga oo aan dan iyo heelo ka gelin cawaaqibka dambe ee falkiisa, qaran dhan in uu qaad siistaana waxba kuma ahan qoys iyo caruurrna warkooda daa

>Khilaaf iyo bur-bur soo kala dhex gala qoyska:

Qofka qayilaa inta badan ma dabooli karo baahida dhaqaale ee qoyskiisa maxaa yeelay marna waa raadis marna waa raamsi,

>af xumada iyo akhlaaq darada dadka qayila iyana waa dhibaato meesha taal,waana marag ma doonto

.(“Qaamuuska cay waxa ku qoran qaadow adigaa leh”)abshir bacadle)

>Cibaado xumo iyo rabi ka fogaansho: qaadku waxaa uu leeyahay salaada iyo cibaadada oo laga wahsado (“Qaadicu salaadnimo qasad ah qaadow adigaa leh”)abshir bacadle)

>Dhibaatooyinka badan ee uu qaadku leeyahay waxaa isku fuuqsanaysa oo alamtara noqonaysa midka dhaqan dhaqaale ee uu qaadku ku hayo ummada soomaliyeed meel ay degtaba

>waxa ay cilmibaadhis la sameyay muujinaysa in maalin walba Kenya loo diro aduun lacageed oo dhan 800,000 oo doolar, halka itoobiyana loo diro hanti dhan 300,000 oo doolar

>taas oo wadarta guud ee lacagta qaadka inooga baxda maalin kasta ka dhigeysa xoolo lacageed oo gaadhaya 1100,000 oo daalar taas oo sanadkii noqoneysaa(1100,000 x 365 maalmood = 396,000,000)

Xaaraanimmada Qaadka Ula jeedooyinku ugu waaweyn ee shareecada islaamka loo soo dejiyey marka laga reebo caabuda alle,waa in ay dhowrto oo ilaaliso nuqdaadkan soo socda: o Dhawridda iyo ilaalinta diinta o Dhawridda iyo ilaalinta nafta o Dhawridda iyo ilaalinta caqliga o Dhawridda iyo ilaalinta hantida qof ahaaneed iyo mida ummadeedba o Dhawridda iyo ilaalinta sharafta iyo dhasha ama oqlaada

>Waxkasta oo intaas mid ka mid ah wax u dhimaa waa xaraan aysan banaaneyn isticmaalkiisu, hadaba waxaa nin kasta oo caaqli ahi ogyahay in cunista qaadku ay wax-yeelaynayso diinta, nafta,caqliga, hantida iyo sharafta sidaas darteed iyada oo aan daliil iyo nusuus badan loo raadin ayay cadahay xaraantinimadiisu. talo bixin

>hadaba xakameyntiisu iyo ka hortagiisu waa masuuliyad saaran qofkasta oo soomaali,waxayse mas’uuliyada ugu weyni saran tahay madaxda,culimada diinta,siyaasiyiinta damiirka iyo damqashada leh iyo dhalinyarada inta jecel aayaha iyo mustaqbalka dalkoodu inuu hagaago

>Ugu dambeyntii waxaan ku talin lahaa arimahan soo socda si loo xakameyo cunista iyo ka ganacsiga maandooriyaha dilaya damiirka iyo debciga aadanaha ee qaadka.

§ In la saaro qaadka canshuur aad u badan kana badan boqolkiiba laba boqol. § In sidoo kale la saaro canshuur badan gaadiidka qaadka keena sida diyaaradaha iyo gadiidka dhulkaba. § In laga saaro faras magaalayaasha goobaha qaadka lagu iibiyo iyo meelaha lagu cuno

§ In loo sameyo saylad u gaar ah qaadka oo ku taal daafaha magaalooyinka

§ In laga mamnuuco cunista qaadka goobaha dowlada iyo xafiisyada xiliyada shaqadu socoto

§ In la sameyo wacyi gelin balaadhan oo ku saabsan qaadka iyo dhibaatooyinkiisa § In loo aqoonsado qaadka musiibo qaran oo la mid ah tahriibka iyo qabyaalada

“Nin dharbaaxo quudheed dugsaday dhaqayadeed maalye Dhashaadeydaa Sugtaa xaajadaad dhowrtaa ebidde”

w/Q:Mahad Maxamed Cabdilaahi(Mahad Diiste