Baaq Gurmadka Abaaraha Bariga Somaliland oo Hada Maraya Meel Adag.

Sida la wada ogsoon yahay abaaro ba,an ayaa ka jira goboladda bariga Somaliland. Abaartaasi waxa ay saamaysay qoysas badan iyo wixii ay xoolo lahaayeenba, waxaanay aad ugu baahan yihiin  biyo iyo baad-ba. Goboladda abaaruhu hada ka jiraan waxaa ka mid ah Saaxil, Togdheer, Oodweyne, Buhoodle, Saraar, Sool,  Xaysimo iyo Sanaag.

Sidaas darted, hayadda Horumarinta Geeska Africa (EAD) waxay ugu baaqaysaa xukuumadda, hayaddaha samafalka , wadamadda deeqaha bixiya iyo qaybaha kala duwan ee bulshadda Somaliland inay ka qayb qaataan gurmadka abaaraha ka jira goboladda bariga Somaliland.

Hayadda EAD waxay si gaar ah ugu dhiiri galinaysaa ganacsatadda iyo qurbajoogta inay si deeqsinimo leh ugu hagar baxaan taakulaynta iyo caawinta bulshadeena ay abaaruhu heleen.  Hayaddu waxay ugu baaqaysaa bulshadda Somaliland inay isu abaabulaan ,iskuna xil saaraan sidii bulshadeena tabaalaysan ee abaaruhu saameeyeen gurmad deg deg ah loola gaadhi lahaa.

 

Gudidda fulinta EAD UK  2016