Halkan Ka Daawo-Warbixin Layaab Leh Oo Laga Diyaariyey Sababaha Keenay In La Faquuqo Beelaha Laga Tirada Badan Yahay Ama Aan Looga Guursan.

Guurka Soomaalida ayaanan ahayn oo keliya xidhiidh u dhaxeeya arooska iyo aroosadda balse sidoo kale waxa uu yahay xidhiidh u dhaxeeya qoysas iyo qabiilo.

Bulshada Soomaalida dhexdeeda ayaa isdhexgalka guurka ku xidida, balse xaaladda qabiilka Gabooyaha ayaa ka bedalan.

_97725837_3Qofkii ka guursadana waxa uu halis ugu jiraa in la deyriyo, Sahra oo aanan aheyn magaceeda dhabta ah, ayaa waxa ay jeclaatay wiil gabooye ah 18 sano ka hor.

Guurkeeda looma arkin mid lagu farxay oo mudan in loo dabaaldego balse waxaa loo arkay mid ceeb iyo sharaf dhac ah, Waxaana kamida hadalkeeda. “Maalmo kaddib markii aan dhalay, waxaan tagay dukaanka, waxaase isoo eryaday shan dumar ah, markii hore waa ay I qaban waayeen, balse waan kufay, kaddibna waan miyir beelay, shan maalmood ayaan koomo ku jiray” ayay tidhi Sahra.

Qabiilkan oo inta badan wajaha dulmi iyo takoor dhanka dhaqaalaha ah, ayaa haddana waxa uu qabtaa farsamooyin kala duwan oo ah kuwa Soomaalidu ka faanaan.

Todobaatameeyadii, Maxamed Siyaad Barre, ayaa soo saaray sharci diiday faquuqa ka dhanka ah qabiilada laga tira badan yahay.

Arrintaas ayaa waddada u xaadhay guurka labo ka mid ah fanaaniinta ugu caansan Soomaalida, waa Maryan Mursal, oo ka soo jeeda qabiilka Gabooyaha iyo Axmed Cali Cigaal oo kasoo jeeda beelaha kale ee Soomaalida._97725131_de27Maanta Maryan waxa ay ku nooshahay London, waxa ay aaminsan tahay in ay tahay wakhtigii dadkeeda ay u istaagi lahaayeen cadaalad darada ay wajaheen.

“Haddii aad madaxaaga kor gayso, waxaa laguula dhaqmaa si habboon, haddiise aad isliidid waxaa laguula dhaqmaa sixun. Sidaas darteed waxaan ka codsanayaa bulshadeenna in ay u istaagaan xaqooda, naftoodana ku kalsoonaadaan si ay usoo ceshadaan qabkooda iyo aqoonsigooda” ayay tidhi Maryan Mursal.

Ninka lagu magacaabo Ismaaciil waa qof kale oo Gabooyaha ka tirsan oo London ku nool, waxana uu yidhi “Gabadhayda iyo nin yar ayaa is caashaqay, ka hor intii ayna bilaabanin xafladii meherka waxa ayna waydiiyeen qabiilkayaga, waxaan u sheegay in aan Gabooye nahay, waxayse noo sheegeen in ayna ka guursanin Gabooyaha, waxayna nagu yidhaahdeen aan dib u kulano, waa arrin aad niyad jab u ah oo bini’aadanimada ka baxsan”

_97725133_2

Dad badan oo ka tirsan bulshada Gabooyaha ayaa bilaabaya in ay u dagaalamaan xuquuqdooda, arrimaha ayaana si tartiib ah isku badalaya.

Balse ma fudada qarniya badan oo ay soo socdeen faquuq in la soo afjaro.  ”Gabadhayda iyo nin yar ayaa is caashaqay, ka hor intii aysan bilaabanin xafladii meherka waxa ay na weeydiiyeen qabiilkeena”— Ismaaciil oo ku nool London.

 

Waalidiin badan sida Sahra oo kale oo ku nool Hargeisa iyo Cabdi oo ku nool London ayaa ku dadaalaya in ay ka ilaaliyaan caruurtooda faquuqii ay la soo kulmeen.

Balse waxa ay sidoo kale ogyihiin in badalitaanka dhaqan soo jireen ah ay qaadaneyso muddo dheer.

Taasna waxa xilli dambe ku tahay jiilka maanta jooga.

  (587)