Bushaaro, Bushaaro, Bushaaro; Koofeerka Panaroma Manicure and Pedicure oo looga bartay adeeg hufan, qiimo macquul ah, nashqadaha qurxinta Dumarka noocyadooda kala duwan iyo shaqaale macmiisha raalligeliya, waxa uu kuu soo kordhiyey Qalab casri ah, nashqado cusub oo heer sare ah, dharka aroosyada, taashashka iyo adeegyo ku raalligeliya. Haweenkoow ha moogaannina Koofeerka casriga ah ee Koofeerka Panaroma Manicure and Pedicure iyo Panaroma Beuiti salon inaad iska habaysaan habkasta iyo hannaankaad rabtaba halkaasaad ka helaysaan ee hore u gaadha, haddaad xaflado aroos iyo meher leedahay ammaba aad sidaadaba isu qurxinayso, marba ha moogaannina, hana ka habsaamina. Haddaba Hooyga Qurxinta Dumarka ee Panaromahalka ay ku yaallaan aan idiin tilmaamee, booqda xarumaha Panaroma Manicure and Pedicure & Panaroma Beuiti salon oo ku kala yaalla Dhismaha Deero Mool iyo ka soo horjeedka Jameecoweyn sparpartis amma Fooqa xarunta u ahaa xawaaladdii Qaran ee dhinaca waqooyi-bari ee Line-ka bilayska amma agagaarka Mataanaha Dahabshiil ee magaalada Hargeysa amma waxaad kala xidhiidhi kartaa Taleefannada kala ah; 0634425623

Daawo-Madaxweynaha JSL Oo Hambalyada Bisha Barakaysan ee Ramadaanta Shacbiga Fariin U Diray.

Hargeisa(GNN):-Madaxweynaha Jamhuuriyadda Somaliland, mudane  Muuse Biixi Cabdi, ayaa  shacabka reer Somaliland iyo guud ahaanba ummadda Islaamka ah ku hambalyeeyey curashada bisha barakaysan ee Ramadaan oo la filayo inay caawa bilato.

Madaxweyne Muuse Biixi Cabdi oo maanta saxaafadda la hadlay, ayaa ummadda Islaamka iyo shacabka reer Somaliland-ba u rajeeyey inuu Eebbe ku sugo khayraadka iyo xasanaadka bishan barakaysani ay xambaarsan tahay, isaga oo u rajeeyey inay wanaag iyo is jacayl ku gaadhaan bishan bisheeda, waxaana uu yidhi, “Waxa  inoo bilanaysa bishii barakaysnayd ee Ramadaan, bishan barakaysan awgeed waxa aan hambalyo u dirayaa ummadda reer Somaliland, gudo iyo dibadba, Ilaahayna waxa aan ka rajaynayaa inuu raxmaadkiisana inoo shubo, ummadda Islaamka ahna bash-bash iyo barwaaqo uu ku gaadhsiiyo sanadkan sanadkiisa, Ilaahay waxa aynu ka baryeynaa dambi-dhaaf, adduunyo san iyo Aakhiro san inuu wixii dhibaatooyin ah ummadda ka dul qaado.”

Madaxweynuhu waxa uu ummadda reer Somaliland kula dardaarmay inay ka faa’iidaystaan khayraadka ay bishani xambaarsan tahay, kuna dhaqmaan awaamiirta Islaamiga ah ee bishan gudaheeda laga rabo qof kasta oo muslim ah, islamarkaana ay noqdaan kuwo dhexdooda ay gasho muxubbo iyo is-jacayl, isaga oo  u rajeeyey inay meesha ka saaraan khilaafaadka yaryar ee ummadda dhexdeeda yaalla, “Ummadda Somaliland meel ay joogtaba waxa aan ku adkaynayaa inay ka faa’iidaystaan barakada bisha Ramadaan, soonkeeda iyo ajarkeeda, waxa kale oo aan reer Somaliland meel ay joogaanba usoo jeedinayaa inay walaaloobaan, Ilaahay ka baqaan, iyagu is ix-tiraamaan, dalkooda wada ilaashadaan oo iyaga oo mid ah wada horumariyaan, Ilaahay waxaan ka rajaynayaa inuu wixii dhibaato ah inaga  dul qaado dhammaanteen, wixii khilaafaad ah ee dhexdeenna ahna inaga dulqaado oo uu boggeena burcad isu mariyo, gaar ahaan  dagaallada qabaa’ilka ah ee inagu soo noqnoqday inuu Ilaahay boggooda burcad isu mariyo oo ay hawlahoodu inaga dhammaadaan,” ayuu yidhi madaxweyne Muuse Biixi Cabdi.

%d bloggers like this: