Bushaaro, Bushaaro, Bushaaro; Koofeerka Panaroma Manicure and Pedicure oo looga bartay adeeg hufan, qiimo macquul ah, nashqadaha qurxinta Dumarka noocyadooda kala duwan iyo shaqaale macmiisha raalligeliya, waxa uu kuu soo kordhiyey Qalab casri ah, nashqado cusub oo heer sare ah, dharka aroosyada, taashashka iyo adeegyo ku raalligeliya. Haweenkoow ha moogaannina Koofeerka casriga ah ee Koofeerka Panaroma Manicure and Pedicure iyo Panaroma Beuiti salon inaad iska habaysaan habkasta iyo hannaankaad rabtaba halkaasaad ka helaysaan ee hore u gaadha, haddaad xaflado aroos iyo meher leedahay ammaba aad sidaadaba isu qurxinayso, marba ha moogaannina, hana ka habsaamina. Haddaba Hooyga Qurxinta Dumarka ee Panaromahalka ay ku yaallaan aan idiin tilmaamee, booqda xarumaha Panaroma Manicure and Pedicure & Panaroma Beuiti salon oo ku kala yaalla Dhismaha Deero Mool iyo ka soo horjeedka Jameecoweyn sparpartis amma Fooqa xarunta u ahaa xawaaladdii Qaran ee dhinaca waqooyi-bari ee Line-ka bilayska amma agagaarka Mataanaha Dahabshiil ee magaalada Hargeysa amma waxaad kala xidhiidhi kartaa Taleefannada kala ah; 0634425623

Mohamed Salah Oo Mar Kale SHAKI La Geliyey Inuu Ciyaari Doono Kulanka Caawa iyo In Kale

Xiddiga xulka qaranka Masar ee Mohamed Salah ayaa mari doona baadhitaan caafimaad ka hor ciyaarta caawa ee kulanka labaad ee Koobka Adduunka ee Group A, kaas oo lagu go’aamin doono inuu ciyaari doono iyo in kale.

Masar ayaa waxay la ciyaari doontaa waddanka Ruushka caawa fiidka kulan si toos ah looga baahin doono shabakadda Cadalool.com, taas oo ay ku khasban  yihiin inay guul ka gaadhaan si ay tartanka ugu sii jiri karaan maadaama laga  badiyey ciyaartii hore ee ay Uruguay iska hor yimaaddeen.

Mohamed Salah ciyaartii hore kaga maqnaa dhaawac garabka bidix ka gaadhay finalkii Champions League ee Real Madrid iyo Liverpool ee dhamaadka bishii May, ayaa waxa mar kale uu muran ku jiraa inuu helayo fursad uu qarankiisa ku caawiyo.

Tababaraha xulka qaranka Masar Hector Cuper ayaa shaaciyey in Mohamed Salah uu mari doono baadhitaan caafimaad maanta si loo ogaado inuu ciyaari karayo iyo in kale, hase yeeshee waxa uu dhinaca kale ku dooday in uu rajaynayo in halyeygani ciyaaro.

Cuper ayaa hadallo iska hor imanaya ka yidhi shir jaraa’id oo uu ku qabtay Ruushka ka  hor ciyaarta caawa, waxaana mar la weydiiyey sida uu xaalka Salah yahay uu ku celiyey laba erey oo shaki geliyey, isagoo marka hore sheegay inuu caafimaad qabo, hase yeeshee weedhii xigtay tibaaxay inuu rajaynayo inuu caafimaadi doono, waxaanu yidhi: “Wuu caafimaad qabaa. Waxa aan rajaynayaa inuu caafimaad noqdo. Kulankii hore waxa aanu u malaynaynay inuu caafimaad qbao laakiin tijaabadii u dambaysay ayaanu ku samaynaynaa.”

Difaaca midig ee xulka qaranka Masar ee Ahmed Fathi oo ahaa kabtanka ciyaartii Khamiistii ee xulka Masar ayaa dhaawac fudud oo muruqa ah uu haleelay, lamana oga inuu ciyaari doono kulanka muhiimka ah ee  caawa iyo in kale, sidoo kalena laacibka khadka dhexe ee Terek Hamed ayaa Jimcihii la beddelay markii uu dhabarku xanuunay, hase yeeshee xidhiidhka kubadda cagta Masar ayaa shaaciyey inuu caafimaad qabo.

Dhinaca kale, waddanka Ruushka ayaa uu kulankan ka maqnaan doonaa laacibka khadka dhexe ee Alan Dzagoev oo muruq booday ciyaartii furitaanka ee ay ku karbaasheen Saudi Arabia, sidoo kalena difaaca bidix ee Yuri Zhirkov ayaan tababarka la qaadanin kooxda Axaddii sababtoo ah dhibaato uu ka dareemay kuraanta, taas oo markii dambe la xaqiijiyey in aanay saamayn ku yeelan doonin ciyaartiisa.

%d bloggers like this: