Bushaaro, Bushaaro, Bushaaro; Koofeerka Panaroma Manicure and Pedicure oo looga bartay adeeg hufan, qiimo macquul ah, nashqadaha qurxinta Dumarka noocyadooda kala duwan iyo shaqaale macmiisha raalligeliya, waxa uu kuu soo kordhiyey Qalab casri ah, nashqado cusub oo heer sare ah, dharka aroosyada, taashashka iyo adeegyo ku raalligeliya. Haweenkoow ha moogaannina Koofeerka casriga ah ee Koofeerka Panaroma Manicure and Pedicure iyo Panaroma Beuiti salon inaad iska habaysaan habkasta iyo hannaankaad rabtaba halkaasaad ka helaysaan ee hore u gaadha, haddaad xaflado aroos iyo meher leedahay ammaba aad sidaadaba isu qurxinayso, marba ha moogaannina, hana ka habsaamina. Haddaba Hooyga Qurxinta Dumarka ee Panaromahalka ay ku yaallaan aan idiin tilmaamee, booqda xarumaha Panaroma Manicure and Pedicure & Panaroma Beuiti salon oo ku kala yaalla Dhismaha Deero Mool iyo ka soo horjeedka Jameecoweyn sparpartis amma Fooqa xarunta u ahaa xawaaladdii Qaran ee dhinaca waqooyi-bari ee Line-ka bilayska amma agagaarka Mataanaha Dahabshiil ee magaalada Hargeysa amma waxaad kala xidhiidhi kartaa Taleefannada kala ah; 0634425623

Muumin Laba Jeer God Lagama Wada Qaniino.W/Q Garyaqaan Xamse Maxamud Xasan

Kulanka Madaxweynaha Soomaalilaand Md. Muuse Biixi Cabdi la yeeshay ergayga cusub ee dawladda Turkigu u soo magacowday wadahadallada Soomaalilaand iyo Soomaaliya, waxa sida la sheegayo uu madaxweynuhu ku aqbalay in mar labaad Turkigu dhexdhexaadiyo wadahadalladii hore u fashilmay.

Haddaba, aqbalaadda dhexdhexaadinta dawladda Turkigu waxa ay ina tusaysaa in rejadii ictiraafka Soomaalilaand ay mar labaad foolhallawday, maadaama wadahadalladii mar labaad loo gacangaliyay dawladda Turkiga oo iyadu masuul ka ahayd in ay fashilmaan dhammaan heshiisyadii hore loogu gaadhay dalka Turkiga.

Ugu horrayn, heshiiskii maamulidda hawada ee nuxurkiisu ahaa in Hargeysa laga maamulo hawada Soomaaliya, dawladda Turkiga ayaa horseed ka ahayd in uu burburo, kadib markii ay dawladda Turkigu maalgalisay xarunta hawada laga maamulayo ee Muqdisho laga dhisay, sidoo kalena ay tababar u furtay hawlwadeennada xarunta hawada ka hawlgalaya.

Dhinaca kale, dawladda Turkigu marnaba ma ay soo hadalqaadin heshiisyadii ay odayga ka ahayd ee lagu galay dalkeeda ee fulintooda ay sida badheedhka ah uga baxeen dhinaca Muqdisho.

Ugu danbayntii, xikmad ayaa tidhaa: “muumin laba jeer god lagama wada qaniino.” Waxa maanta inoo muuqda in Xisbigii Kulmiye ee talada dalka hayay sagaalkii sanno ee u danbeeyay ay mar labaad la foolhallawday rejadii ictiraafka Somaliland. Waxa aanu shaki ku jirin in masiirkii qaranka mar labaad hadhimo la dhaafsaday si la mid ah sidii xukuumaddii hore.

Dawladda Soomaaliya ayaa iyadu ka biyadiidsan in cid aan Turkiga ahayni qabato wadahadallada Soomaalilaand iyo Soomaaliya, si inta ay diblumaasiyaddeedu dunida  isku fidinayso aanay wadahadallo midhadhal ahi u hirgalin.

Maalintay u darrantay ilaah caynsha leedahay.

W/Q: Garyaqaan Xamse Maxamud Xasan