Tallaabadan ayey muhiimadeeda kamid ahayd in Shaqaalaha Dawladdu yeeshaan baadi-sooc ay kaga duwan yihiin shacabka adeega u soo doonta xarumaha Dawladda sida oo kalena qayb weyn ka qaadanaysa in shacabku u aqoonsado Shaqaale Dawladeed oo mudan in loo hogaansamo.
Sidaa darteed, laga bilaabo maalinta Sabtida ee taariikhdu tahay 30/03/2019 waxa dhammaan waajib ku ah Shaqaale walba oo Dawladeed in uu isticmaalo aqoonsigiisa Shaqaalenimo inta uu ku gudo jiro saacadaha Shaqada.
Ugu dambayn, masuuliyiinta maamulka cudduda Shaqaalaha iyo guud ahaan-ba madaxda xafiisyada Dawladda waxa aan u soo gudbinayaa in ay daba-gal iyo kor-joogtayn ku sameeyaan fulinta wareegtadan halka waaxda kormeerka ee Hay’adda Shaqaalaha Dawladdu-na kormeer iyo hubin joogto ah ku samayn doonto.
F.G – Shaqaalaha aanu weli soo gaadhin kaadhkiisii Shaqaalenimo degdeg ha ula xidhiidho xafiiska cudduda Shaqaalaha “Human Resource” ee Wasaaradda/Hay’adda Dawladeed ee uu ka hawl-galo sii loogu diyaariyo.
Allaa Mahad Leh
Sharmake Axmed Muxumed Geelle
Gudoomiyaha Hay’adda Shaqaalaha Dawladda JSL
