Bushaaro, Bushaaro, Bushaaro; Koofeerka Panaroma Manicure and Pedicure oo looga bartay adeeg hufan, qiimo macquul ah, nashqadaha qurxinta Dumarka noocyadooda kala duwan iyo shaqaale macmiisha raalligeliya, waxa uu kuu soo kordhiyey Qalab casri ah, nashqado cusub oo heer sare ah, dharka aroosyada, taashashka iyo adeegyo ku raalligeliya. Haweenkoow ha moogaannina Koofeerka casriga ah ee Koofeerka Panaroma Manicure and Pedicure iyo Panaroma Beuiti salon inaad iska habaysaan habkasta iyo hannaankaad rabtaba halkaasaad ka helaysaan ee hore u gaadha, haddaad xaflado aroos iyo meher leedahay ammaba aad sidaadaba isu qurxinayso, marba ha moogaannina, hana ka habsaamina. Haddaba Hooyga Qurxinta Dumarka ee Panaromahalka ay ku yaallaan aan idiin tilmaamee, booqda xarumaha Panaroma Manicure and Pedicure & Panaroma Beuiti salon oo ku kala yaalla Dhismaha Deero Mool iyo ka soo horjeedka Jameecoweyn sparpartis amma Fooqa xarunta u ahaa xawaaladdii Qaran ee dhinaca waqooyi-bari ee Line-ka bilayska amma agagaarka Mataanaha Dahabshiil ee magaalada Hargeysa amma waxaad kala xidhiidhi kartaa Taleefannada kala ah; 0634425623

Breaking News-Ciidamada Booliska Gobolka Togdheer Oo Xabsiga U Taxaabay Saxafiga Madaxa Banaan ee Cabdimaalik Muuse Coldoon.

Burco(GNN):-Ciidamada amaanka ee gobolka Togdheer gaar ahaana magaalada Burco ayaa xabsiga dhigay Wariye Cabdimaalik muuse Coldoon oo ka mid ah suxufiyiinta somaliland.

Ciidamada booliska ayaa hore u shaaciyey inuu soo gaadhay waaran ka dhan ah wariye Cabdimaalik Muuse Coldoon kaas oo ay soo jartay maxkamadu iyaga oo sheegay in la eedaynayo.

Walow Aanu Jirin wax war ah oo kasoo baxay wali laamaha amaanka ee gobolka togdheer oo la xidhiidha Sababaha loo xidhay saxafigan oo mudooyinkii u danbeeyey ku maqnaa dawlad deegaanka somalida ethiopia, haddana waxa jira ilo xog-ogaal ah oo Shabakada Gabiley News Network u Xaqiijiyey xadhigiisa.

Saxafi C.maalik Muuse Coldoon Oo Warbaahin kala duwan kasoo shaqeeyey ayaa inta badan lagu xasuustaa Barnaamijyo Bulshadu aad usoo dhaweysay oo ahaa Caawinta bulshada tabaalaysan iyo dadka dhiban ee xanuunadu soo gaadheen kuwaas oo uu umada u bandhigi jiray kadibna loogu soo hagaajin jiray lacago caawimo ah oo uu gudoonsiin jiray dadkaasi baahan.

Maaha markii ugu horaysay ee ciidamada booliska somaliland ay xidhaan Wariye Cabdimaalik Muuse Coldoon oo ka mid ah wariyayaasha ka hawl gala magaalada Burco, iyada oo hore loo xidhay isla markaana uu ku dhacay xukkun maxkamadeed.

Ciidamada booliska somaliland ayaa laga dhawrayaa inay soo bandhigaan waxyaabaha loo haysto wariye Coldoon.

Hargeisa Somaliland 

Gabiley News Network.

 

%d bloggers like this: