Booliska dalka Koonfur Afrika ayaa bilaabay howlgallo lagu qabqabanayo ajaaniibta sharci darada ku jooga dalkaas oo ay ku jiraan Soomaalida.
Xaafada ay Soomaalida ku badan tahay ee Bellville oo ku taalla Magaalada Cape Town ayaa ka mid ah meelaha uu saameeyey howlgalkan waxaana la sheegay in lagu qabtay Dhalinyaro farabadan oo aan heysan Sharciga dalka Koonfur Afrika.
Goobaha Ganacsiga Soomaalida sida dukaamada dharka, kuwa lagu iibiyo allaabaha kala duwan ayaa la xirey, cabsi laga qabo Booliska.
Boqolaal qof oo isugu jira Soomaali iyo Itoobiyaan ayaa ka mid ah dadka la xirxiray waxaana Saraakiisha Ciidamada Booliska Koonfur Afrika ay warbaahinta dalkaas u sheegeen in dadka aan sharciga heysan la siinayo Warqado fududeynaya inay helaan sharciga dalkaas.
Milkiilayaasha Hotelada ayaa sidoo kale looga digay in qof aan sharci wadan ay ka kireeyaan hoteeladooda, iyagoo digniino lagu siiyey cidii amarkaas u hogaansami weysa iney xabsi muteysan doonto.
