Dugsiga Sare ee ILEYS oo u dabaal degay Guushii imtaxaanaadka Shahaadiga ah 2015

Dugsiga sare ee Ileys oo ka mid ah hormuudka dugsiyada Somaliland, laguna bartay inuu kaalmaha sarsare ka galo imtixaanaadka shahaadiga ah ayaa u qabtay xaflad ay ku maamuusayaan ardayaddii labada kaalmood u soo hoysay guusha sannadka Deeqa Xaaji Aadan Axmed Diiriye ,

Dugsigu Tobanka ugu horreeya wuxuu ka galay kaalinta sagaalaad, halka dhanka hablahana uu kaalinta saddexaad ka galay Somaliland oo dhan,

Sheekh C/raxmaan Axmed oo kamid ah  Maamulaha dugsiyada Ileys ayaa ka hadlay marxaladaha uu soo maray dugsiyada Ileys waxaanu yidhi “Dugsigan oo la aasaasay 2003 ayaa wuxuu ku suntanaa inuu kaalmaha ugu horreeya  ka galo waddanka, waxaa ka baxay 13  dufcadood oo is daba joog ah, dufcadani waa tii 13aad, dufcadii u horraysa ayaanu dugsiga la galin imtixaanka wasaaradda, Laga soo bilaabo 2003/2004 ilaa 2014/2015 waa labiyo toban sannadood

Sannadkii  koowaad 2003/2004 Hal arday ayaa tobanka hore soo galay

2004/2005            Waxba kumaan lahayn

2005/2006           Hal arday baan ku lahayn

2006/2007           Hal arday baan ku lahayn

2007/2008         Hal arday baan ku lahayn

2008/2009          5 arday baan ku lahayn

2009/2010         4 arday baan ku lahayn

2010/2011        8 arday baa soo galay oo Hablo u badnaa

2011/2012        3 arday baa soo galay

2012/2013        2 arday baa soo galay

2013/2014        waanu ka maqnayn

2014/2015        oo sannadkan ahna laba kaalmood baan ku leenahay

Runtii waa sooyaal aad u qurux badan oo aan runtii jecelnahay inaanu baahino, ujeedayaduna maaha inaan anagun(Ileys) arday koowaad uun ka dhex muuqano, laakiin muhiimadu waxay tahay –siday aqoontuna tahay- inay ardaydu is raacdo oo ay kaalmaha hore A iyo B da galaan

Tusaale ahaan sannadka oo kaliya markaan eego waxaa u fadhiistay imtixaanka 226 Arday, 128 arday ayaa Darajada A ku gudbay, oo u dhigantay 57%  inta soo hadhayna darajada B bay ku baaseen  3 arday oo kaliya ayaana C haysta”))