Madaxweynaha Somaliya Oo Ka Hadley Kulankii Qarsoodiga Ahaa Ee La Sheegey Inuu Dhexmarey Raysal wasaaraha Israel.

Maalmaha waxa warbaahinta somalidu Qaadaa dhigeysey kulan qarsoodiya oo dhex marey madaxweynaha somaliya iyo Benyamin Netanyahu.

Warkana oo laga soo xigtey wargeyska Telaviv Today oo ka soo baxa dalka israel; hadaba Wasaarada arimaha dibada dalka Somaliya oo war saxaaafadeed soo saartey ayaa waxaa ay ka hadashey in madaxweyne Xassan Sheekh kulan la yeeshay Ra’isul Wasaaraha Israa’il.Wasaarada arimaha dibada oo nuqul ka mid ah war saxaafadedkaasi uu soo gaadhey shabakada Gabileynews.com ayaa arintaasi ku tilmamay mid aanay waxba ka jirin waxaana uu u qornaa war saxaafadedku sidan

War Saxaafadeed

Wasaaradda Arrimaha Dibadda iyo Dhiirigelinta Maalgashiga ee Jamhuuriyadda Federaalka Soomaaliya waxa ay ka shaqeyneysaa si aan habacsanaan ku jirin abuuridda, cusbooneysiinta iyo xoojinta xiriirka iyo dana wadaaga, taasi oo u adeegeysa danaha qarankeena ee ka qeyb ah wadamada deriska iyo kuwa isbaheysiga nala ah ee dunida daafaheeda .

Soomaaliya waxa ay si guul leh uga soo banbaxday waqti tegay oo adag, ayna u gudubtay xilli cusub oo deganaansho iyo horumar ah. xagashu waxa isku badashay oo ay u jiheysatay dhanka mustaqbal horumarineed oo aad u wacan.

Sidaa darteed, waxaa muhiimad u leh Soomaaliya inay la ambaqaado howsha si wax ku ool leh dhammaan bahwadaagta si ay ku jirto awoodaha oo dhan ee la xiriira dhammaan arrimaha xiisa wadaagga leh oo ay ka mid tahay ka hortagidda argagaxisada caalamiga, dhiirigelinta horumarka dhaqaalle iyo fududeynta ganacsiga.

Xilli Xukuumadda Jamhuuriyadda Federaalka Soomaaliya ay qiimeyneyso dhammaan bahda ay dana wadaaga yihiin, ayna ku dadaaleyso u saldhigidda xiriiro macna leh wadamada isbaheysiga ah iyo kuwa cusub, iyadoo ujeedka yahay hubinta horumarka iyo barwaaqada mustaqbalka Soomaaliya , Wasaaraddu waxa ay xaqiijineysaa in kulanka la sheegay ee dhexmaray Madaxweynaha Soomaaliya iyo Ra’iisul Wasaaraha Israel aanu qabsoomin”.

Sida lawada Ogsoon yahey in Badan ayey reer somaliya kaga beer abuuran jireen Somaliland iney xidhiidh hoose la leedahey Dalka israel; laakiin waxad moodaa in sixirkii isku rogey saaxirkii.

Log1