Somalilandeey Laba Mid Soo Gal, Beesha Caalamka Qaraarkeeda Ama Quruumaha Madaw Buugooda. W/Q: C/raxmaan Sayid Faarax (Jeesto).

Dawlada  Somaliland  waxay  ka  mid  tahay  Dawladaha  Soo  koroya  ee  ku  jira  jidka  raadinta  dawladnmiada   saxda, Una  heelan  iney  qadiyadooda  dib  u  la  soo  noqoshada  xornimadii  luntey  ka  dhaadhiciyaan  dunida  si  ay  uga  qayb  noqoto  Quruumaha  Midoobay,  Waxay  ku  taalaa  mandaq  xaas-xaasiya  ay  ku  yaalaan  wadamo  waaweyn  dunidu  ixtiraamto  isla  markaana  leh  haykal  dublomaasiyadeed,  Ama  wadamo  yagu  laftarkooda  mudooyin  dhawayd  buuxiyey  shuruudihii  Dawladnimo  iyo  Dalnimo  buuxda  oon  ogolaanayn  wax  Aqoonsiya  oo  la  siiyo  jaarerkooda  jidka  ku  soo  jira  waayo  waxay  ka  xidheysaa  waxyaaabo  farabadan  yadoo  Somaliland  cuskaneysa  Ama  ay u  hiilineyso  istaraajiyadeedu.

Sidoo  kale  Dawlada  jamhuuriyada  Somaliland  malaha  wax  soo  saar  miisaaman,  warshado  lagaga  maarmo,  ilo  muhiima  oo  dhaqaale-galeena, badeeco  dhoofta, hadaba  meesha  aan  intaasoo  dhan    midna  hayn  waa  maxay  sababta  ay  uga  maarmeysaa  beesha  caalamka(International  Cumminuty),  Waxaanu  caqliga  saliimka  ahi  ka  habaabeyn  in  dawlada  beesha  caalamka  ka  hor  timidey,  Ee  hadana  wax  ka  dooneysaa  waajibkeeduna  ahaa  dadaal  iyo  sidey  isu  iibin  lahayd  ay  ololahaasi  bilawdey,  waxa  cadaatey  inaaney  waxba  dooneyn  sidaa  darteed  baritoole  yaaney  inagu  odhan  Aqoonsi iyo  wax  baan  doonaynaa.

Geesta  kale  waxay  ku  soo  caano-maashey  habsami  u  socodka  Dimuqraadiyada  oo  ay  meel   la  taaban  karro   ka  gaadhey,  waana  waxyaabaha  lagu  aaminayo  caalamkuna  uu  rabo  sidey  albaabada  ugu  furi  lahaayeen,  inkastooy  milgo,  maamuus,  martabad  iyo  darajo  meeqaamkedu  sareeyo  ka  gaadhey  dhinaca  Dimuqraadiyada,  dadaalada  hawlaha  la  xidhiidha  aaminitaanka  ay  dunidu  Aamineyso  mandaqan  xaas-xaasigaa  Dawladan  weyn  ee  dulman  isla  markaana  ku  taala.

Somaliland  waa  taasi  aan  xusney  heerarkeeda  dadaal  ee  ay  ku  hanatey  dawladnimada  waarta  iyo  in  la  aqoonsado,  hadaba  hadii  aan  maanta  hore  u  hayn  weyno  jidkii  abidkeenba  aan  soconey  ee  waxa  imaneysa  caqabado  fara  badan  oo  ay  ka  mid  tahay  Rajada  aqoonsiga  oo  ragaada,  xidhiidhka  jaarka  iyo  dunida  oo  xumaada,  shaqayn  la,aan  baasaboorkeena  ama  jinsiyada  soomaaliland,  hoos  u  dhac  arrimaha  amnigaa  waayo  Beesha  caalamku  wey  inla  ilaaliyaan  si  aaney  u  wiiqmin  waxaan  dhisaney,  Waxaasoo  dhibaata  ah  kama  bixi  karno  waaney  ina  saameynaysaa.

Aan  u  soo  gudbo  Beesha-caalamka  hadaan  taladooda  bar-bar  marno  iyo  waxyaabaha  aan  ka  dhaxlayno,  Dawladan  s/land  ee  koreysaa  uma  baahna  in  curdinka  lagu  daaqo  waayo  haddii  beesha  caalamka  awaamiirtooda  aan  diidno  ogaada  inakaa  curdinka  isku  daaqney,  Dadyawga  reer  s/land  een  fahansayn  bahasha  ayaa  qaarkood  ka  dhawaajiyaan,  Anaga  waxba  lanoo  yeedhin  mayo  hadaba  hadey  taasi  aaminsan  yihiin  aan  isweydiino  aqoonsigu  waa  maxay  hadaan  Beesha  Caalamku  wax  kuu  yeedhinayn,  Fiiro  gaara  fahanka  macnaha  aqoonsi  waayo  umadan  jarka  ka  gulaalani  islama  garaneyso  macnaha  aqoonsi,  Definition  of  recognition,   Waxaan  macnaynanaa   macnaha  Aqoonsi,  Aqoonsigu  waa  ka  mid  noqoshada  xubin  buuxda  Quruumaha  midoobey  yadoo  la  adeecsan  yahay  Dawladnimadaada,  calankaaga,  iyo  xad-dhuleedkaaga,  Maadaama  aad  ka  mid  noqotey  Gola-weynaha  dunida  waxaad  mudan  tahay  in  lagu  Tilmaamo,  lagula  Taliyo,  waxna  lagu  tuso  oo  ay  sharci  darro  tahay  wixii  ku  xad-gudbaya  qobada  Unta,  This  is  minberness  of  united  nations  character,  so  you  have  take  code  of  conducts  and  regulations  of  universal  declaration  by   human  rights  and  policy  law  un  departments  as  obligate.

Markaa  waa  ineynu  dareenaa  in  Beesha  caalamku  wax  isu  yeedhiso  taasina  ay  tahay  sharci  ay  isla  Garteen  Quruumaha  midoobey  qasab  maaha  in  cidii  diidaa  ay  haadaameysan  tahay  balse  waxa  inoo  muhiima  inaan  garano  dariiqeena  waa  hadaynu  dooneyno  Aqoonsi,  hadii  kale  oo  aaney  doonayn  Somaliland  aqoonsiga  shacabkeeda  dawladu  runta  ha  u  sheegto  gudida  Ictiraac  daarintana  hala  baabiiyo  waayo  waxba  ma  qaban  karaan  maadaamoo  dalkii  ku  wacad-furey  Beeshii  caalamka  taasina  ay  ku  keento  yaga  dhex  ahaantooda  wiiqan  awoodeed.

Ugu  danbayntii  waxaan  talo  u  soo  jeedinaynaa  Dawlada  maanta  talada  umada  haysa  waxaanan  leenahay,  Xukuumad  yahay  waxaad  sameyseen  intaad  xilka  hayseen  kalsooni  fara  badan  iyo  isku  xidhnaan  balaadhan  dhinaca  Beesha  caalamka,  dadaalkiinana  waxyaabo  badan  ayaa  laynala  qaatey  mudooyinkan  danbena  waxay  dunidu  ku  rajo-weynayd  in  si  cad  caalamka  Loo  hor  dhigo  Qadiyada  Somalilnd  oon  ka  leex-leexsho  lahayn  markaa  waxaa  dadaali  samir  bey  ku  yimaadeen  Maantase  hadaan  ka  leexano  dawgii  aan  hayney  dhibaato  weyn  ayaa  wadanka  soo  food  saari  Teeda  kale  idinkuna  kalsoonidii  aad  dunida  ka  yagleesheen  iyo  halgankii  Maskax,  Maal,  Mihnad,  Iyo  Mujaahinnimoba  lahaa  gacmihiina  ha  ku  Qaran-jabinina  oo  yaaney  gacantiinu  dib-udhac  iyo  bur-bur  inoo  sabibin,  Si  bilaa  turxaana  bilaa  mixnada  oo  bilaa  hungureyna  aan  u  taageerno  Beesha-caalamka  iyo  qaraaradooda  si  aan  ugu  dul  dagno  yoolkeena  siyaasadeed,  Dimuqraadiyadeed,  Dawladeed  iyo  jiritaankeenaba.

 

W/Q: C/raxmaan  Sayid  Faarxa (Jeesto)

Diplomatic  Annalysts

Gabiley/Somaliland