MUJ Jidhif Oo Si Cilmiyaysan Uga Hadlay Khatarta Ay Somaliland ku Keeni karto Saldhig Milatari Oo Emaraatka Carabka Laga Siiyo Magaalada Berbera.

Hargeisa(GNN):-Muj. Maxamed Xasan C/laahi Oo Ahaa Halgamayaashii ururkii SNM ismarkaana ah  Khabiir ku takhakhusay dhinaca militariga ayaa ka hadlay bixinta saldhiga militari ee xukuumada somaliland doonayso inay ka siiso  magaalada xeebeeda Berbera wadanka carbeed ee isu taga emirateka carabta waxaanu Muj. Maxamed Xasan C/laahi sheegay in aanay wax faa,iido ahi ugu jirin Somaliland inay bixiso Saldhig militari waxaana uu sidaa ku sheegay mar uu la hadlayay warbaahinta.

waxaana hadaladiisi ka mid ahaa:

“Dagaalkii  labaad  ee dunida ka dib  waxay dawladaha aduunku u kala jabeen laba qaybood oo kala ahaa hanti wadaag iyo hanti goosi kaas oo wadan kastaa uu raacay dhinaca uu u arkayay in ay maslaxadiisa tahay inaga ka gobol ahaan  xiligaa waxa raacay Maxamed Siyaad Bare oo qaatay dhinaca hanti wadaaga, isaga door bidayay maaliyad,dhica dhismaha ciidanka iyo sidoo kale isagoo ku ilaashanayay kursigiisa,  balse hadiiba ay timaado isku dhac ka yimaada labadan mabaadi ee ay kala qaateen dawladuhu  wixii khasaare iyo faa,ido ka yimaada waa in wadan kastaa ogaadaa in uu qayb ka yahay wixii khasaare dhacay, tusaaale ahaan waqtigaas wadanka Kuuba waxa uu qaatay mabda,ii hantiwadaag, waxaanay bixisay saldhigii militari ee ugu waynaa oo ay yeeshaan wadanada qaatay mabda,a hanti wadaag,xiligaas kuuba waxa ay lumisay xidhiidhka wadankii ugu waynaa ee ay jaarka ahaayeen oo ahaa dalwaynaha maraykanka.

Hadaba hadii aynu u soo noqono Somaliland oo ah wadan aan wax aqoonsi ah ka haysan dunida caalamka kuna taala juquraafi ahaan meel starategy u ah wadamada bariga Africa, dhibaato intee leeg ayay ku keeni kartaa wadanada gobolka hadii saldhig militari lasiiyo Wadanka isku taga imaaraatka carabta? ” ilaa hada ma hayno waxa aynu ku baddalanano heshiiskan, runtiina waa la ogyahay in  xiligan wadanada carbeed ka siraadan tahay qadiyad quwadeed oo ay ku hirdamayaan wadano carbeed oo salka ku haysa dagaalada ka socda dalka Yemen, Markaa aniga ilama  aha in wax somaliland halkaa u yaalaa jiro waayo dhibta ka imanasa ayaa ka wayn ta ay xukuumadu ku galaso heshiiskan ayuu yidhi Muj. Jidhif.

Muj. Maxamed Xasan C/laahi jidhif  mar uu ka hadlayay dhinaca cadaawada jaarnimo ee ka dhalan karta basekan militariga ee xukuumadu ka siinayso magaalada Berbera Wadanka  isku taga Emiraateka carabta waxaa uu yidhi

“Ma laga yaabaa in saldhigaasi ina dhaxalsiiyo inay Somaliland ku Waydo Wadanka aynu Jaarka nahay ee Ethiopia Oo ay ku nool yihiin 100 milyan oo ruux isla markaasna aanay isku fiicnayn wadamada carabta waxay aniga  ila tahay inay xukuumadu ka fiirsato cawaaqibka ay keeni karto bixinta saldhigaasi waxaana taa ku taageersan ahay aragtidii uu ka qaatay  Muj. Ibraahin Dhagaywayne iyo aragtida ay ka qaaddan doonaan bulshada reer saaxil,” ayuu yidhi muj jidhif

Isagoo hadalkiisa siiwatana wuxu yidhi “Ugu danbayntii waxa aan  xukuumada u soo jeedinayaa in si xeeldheer oo lexejeclo ku jirto  uga fiirsato cawaaqibka uu Somaliland ku keeni karo saldhigaas militari”.

Gabogabadii  waxa uu Muj. Maxamed Xasan C/laahi  uga baryay Umada Reer Somaliland in  Ilaahay abaaraha ka soo jabiyo oo uu barwaqo ugu badalo xaaladan.

Hargeisa Somaliland

Gabiley News Network.

: 228