Waxaa maalmaha Warbaahnita la iska arko ee TV-yada ka soo baxay niman bal-balaadhan oo aan weligood badankooda hore loo arag,maantase banaanka isa soo dhigay waxay dhuuntaanba,waxaana nimankaasi ay sheegteen inay yihiin rag dhaqaale ka hela shirkada Telesom , oo ah shirkado dhib iyo tacadi aan qoraal lagu soo koobi Karin u geystey Reer KHaatumo ama Gabi haaanba shacabka Soomaaliyeed Tacadiyad ay u Gaysatay Halkan Lagama Koobi Karo Waa Markhaati Madiin Balse Waa DHibaato Baaxad Leh Waxayna Durbaan Tunta Maamulka Siilaanyo.
HALKAN KADAAWO HADAAQA KOOXDA BUUHOODLLE.
Hadaba akhristoow hadaan hoos u eegno dhibka iyo tacadiga ay shirkada Telesom u geysatey shacabka khaatumo waxaan ka soo qaadan karnaa dhowkan qodob.
Ugu horeyn waxay shirkadan oo ah shirkad dhaqaale badan ka hesha deegaanada Khaatumo oo boqolaal siim(Aerials), uga taagan yihiin tuulo kasta iyo buur walba,ayaa wakhtiyada ay jabhada SNM ciidamadeedu weerarada qaadayaan waxay damisaa dhamaan isgaadhsiinta, sida Taleefoonada iyo Internetka, waxaana amarkaas siiya ninka madaxda u ah ciidanka Somaliland,waxayna hadawa ku soo noqotaa,marka ninkaasi amro,taasoo meel ku dhac ku ah macaamiisha shirkad kula heshiiyey inay adeegooda helaan wakhti walba.
HALKAN KADAAWO KOOXDA XAARAANTA AH EE LAASCAANOOD LA ISGU GEEYEY
Dhibaatada labaad ee aan soo qaadan karno waxa ka mid ah waxay shirkadani siisaa maamulka Somaliland malaayiin lacag cashuur ah,lacagtaas oo ah lacagta loo adeegsado in lagu hasto,laguna weeraro deegaamada Khaatumo,waxaana dhaqaalaha dhib loogu geystaa kumanaan shacab ah oo ka mid ah macaamiisha shirkadaas.
Waxaa kaloo ka mid ah tacadiyada Shirkada Telsom,waxaa shirkadani ay hawlaheeda ama shaqada ay doonto iska wadataa iyadoon ogolaansho ama wax heshiis ah la gelin maamulka Khaatumo oo ah maamul ay samaysteen dadka deegaanada SSC, maamulkaas oo in badan ka digay in ogolaansho ay dhamaan shirkadaha ka hawlgala deegaamada Khaatumo ay soo weydiistaan maamulka Khaatumo ayna si sahlan ku heli karaan ogolaansho ay kaga shaqeeyaan deegaanada Khaatumo arrintaas oo ay ka dhego adeegeen.
Waxaa kaloo ka mid dhibka ay u gaysato shirkada Telsom dadka reer Khaatumo,iyada oo qayb weyn ka qaadata maalinta ay ku sheegeen inay soomaaliya ka go’een ee 18 May,iyadoo subaxnimada maalinkaas qof kasta oo reer Khaatumo ay u soo diraan fariin ah “HAMBALYO SANADGUURADA 18 MAY EE SOMALILAND”,taasoo naxdin iyo argagax ku keenta dadka xalaasha ah ee Soomaaliyeed ee aan ogolayn maalintaa ,oo haday u soo diri lahaayeen Hambalyo Maalinta Qashinka ay sax ahaan lahayd,balse ay sidaas u samaynayaan si ay u bahdilaan dadka reer Khaatumo.
Waxaa shirkadaasi ay maalinta 18 may u bilaash uga dhigtaa dhamaan saxaafada sida tooska ah u soo tabiya xafladaha SNM,iyagoo lacago badan ku bixiyaa damaashaadka maalinkaas,oo ay qaybta uga weyn ka qaataan.
Waxaa ugu danbeeyey tacadiyada ay shirkadaasi u gaysatey dadka Soomaaliyeed,iyada oo khasab kaga dhigtay macaamiishii lacagta doolarka ah ku shuban jirey Zaadka ama taleefoona lacagta lagu qaato,inay ku shubtaan lacagta Somaliland ,oo ujeedadu tahay sidii dadka Khaatumo ama dhamaan dadka Soomaaliyeed kadib markay diideen lacagta SNM inay khasab ama si dadban ku qaataan,iyagoo ku shubanaya taleefoonada ,oo lacagtii doolarka lagaga bedesho Lacaga SNM.
Waxay mar walba taleefoonada ka jaraan ama dhegeystaan madaxda khaatumo ,khaas ahaan kuwa ku sugan Saaxdheer,iyaga oo marba cilad baan ah sheega.
Hadaba intaas iyo boqolaal tacadi oo kale oo aan halkan lagu soo koobi Karin ayay shirkadaasi ka gashay shacabka Khaatumo,markaa markii uu maamulka Khaatumo in badan ka digayey in shirkadaasi ay joojiso dhibaatooyinka ay ku hayso umada reer Khaatumo oo madaxda sare in badan u digayeen,ayaa waxa waxyeelo la gaadhsiiyey xarumo ay shirkadaasi ku lahayd Horufadhi iyo Banyaal oo ka mid ah deegaanada ay ka taliso maamulka Khaatumo.
Waxaa hadaba si lama filaan ah Tv-yada Koox SHaqaale ah Balse Mulkiila Yaal SHeegtay aan hore loo arki jirin oo u ekaa niman ladan oo buur buuran,kuwaasoo sheegtay inay lacag kaga jirto shirkada Telesom, ayna lacagtooda ka rabaan beelaha ay ka soo jeedaan qaar ka mid ah madaxda sare ee Khaatumo Kooxdaas oo aan Marna Horay Loo arkin Tacadiyad shirkadaasi Ku Hayaso SHacabka iga oo Ka Hadlaya
Hadaba hadii ay sheegteen in lacag ka khasaartay ,oo aan siiyo,ma bixinayaan dhibaatooyinka ay Telesom umada u geysatey dhaqaalaha ku burburay iyo boqolaalka qof ee lagu laayey lacagta shirkadaas,iyo bahdilka iyo barakicinta maamulka SNM ku sameeyo,iyo dhibaatooyinka kale ee shirkaasi samayso masuuliyadeeda ma qaadayaan,mise marka ama gadhi laga qaato ama mid laga gubo ayey Kooxdaasi SHeegtaya odayaashaas,
Odayaal kuwaas la mid ah ayaa iyana ka soo baxay shaashada,iyagoo sidaas oo kale hanjabaad ay shirkada Telesom ugu talo gashay in waxa shirkadaas iyo maamulka Khaatumo ka dhexeeya loo bedelo qaab qabiil oo la iska hor keeno beelaha walaalaha ah ee Khaatumo,oo shirkad yar alaab laga gubay beelo dhan loogu hanjabo,iyadoo maalin walba Laascaanood iyo Buuhoodlle ay ka dhacaan dilal iyo barakicin lagu hayo umada oo aan aan la hayan oday ka dhiidhiya ama ka hadla dhibka dadkooda ama iyaga laftigooda lagu hayo,oo ay odayaasha Laascaanood ka hadaaqay ay arkaana iyada oo hooyooyinkood,iyo hablahooda Mandheera loo dhaadhiciyo ,maalin walba maydad wiilal ay adeero u yihiin laga keeno Hawdka Laascaanood,oo ay daawadaan tiknikada iyo cadowga weeraraya deegaamada ay ku nool yihiin dadka reer Khaatumo ee Xalaasha ah.
Hadaba waxaa muhiim ah in maamulka Khaatumo go’aan midaysan ka qaato arrinkan oo ay ceeb ku tahay inay kala hadlaan ,oo qaarna amar bixiyaan,qaarna raali gelin bixiyaan,oo ay gacan bir ah ku qabtaan shirkadaha Kanixiyaan cadowga,isla markaana aanay dheg jalaq u siin oday koofiyad bacle xun oo la adeegsanayo,oo la soo toosinaya si uu u difaaco cadowga ,umada dhib dhexdooda ka abuuro.
Qore Halgamaa :Abdi Hakiim Diiriye Jaamac
C ontact hakiimd@hotmail.co.uk
