Kenya Oo Furaysa Mashruuca Tamarta Dabaysha Ee Ugu Weyn Afrika.

Dalka kenya ayaa laga hirgalinayaa barnaamijkii ugu balaadhnaa qaaraddda afrika Kaas oo ah in tamartalagaga dhaliyo dabaysha.

Barnaamijkan ayay kenya ula dan-leedahay si ay u yarayso kharashka ku baxa korontada, iyo ku tiirsanaanta shidaalka.

Qalabka tamarta soo saaraya ayaa lagu rakibayaa xeeliyada harada turkana ee waqooyiga dalkan ku yaala geeska afrika.

Madaxweynaha kenya Uhuru kenyatta ayaa sheegay in mashruucani uu 13% kor u qaadi doono awooda korontada ee kenya, Iyadoo qaybo badan oo ka mid ah shacabka kenyanka ahina ay heli doonaan koronto qiime jaban.

Kenya ayaa horumar wanaagsan ka samaysay tamarta la cusboonaysiiyo, iyadoo ka mid ah wadamada fara-ku-tiriska ah ee qaaradda afrika, kuwaas oo horumar ka samaynaya tamarta nadiifta ah.

70% korontada kenya ayaa ka timaada tamarta la cusboonaysiiyo, sida tamarta laga dhaliyo biyaha, iyo tan laga dhaliyo kulka.

Madaxweyne kenyatta oo hore u balanqaaday in 100% dalkiisu uu u guuri doono tamarta cagaaran ayaa sheegay in mashruucan oo ku kacaya $775-Milyan uu ka caawin doonto in ay yoolkooda ka dhabeeyaan.