Bushaaro, Bushaaro, Bushaaro; Koofeerka Panaroma Manicure and Pedicure oo looga bartay adeeg hufan, qiimo macquul ah, nashqadaha qurxinta Dumarka noocyadooda kala duwan iyo shaqaale macmiisha raalligeliya, waxa uu kuu soo kordhiyey Qalab casri ah, nashqado cusub oo heer sare ah, dharka aroosyada, taashashka iyo adeegyo ku raalligeliya. Haweenkoow ha moogaannina Koofeerka casriga ah ee Koofeerka Panaroma Manicure and Pedicure iyo Panaroma Beuiti salon inaad iska habaysaan habkasta iyo hannaankaad rabtaba halkaasaad ka helaysaan ee hore u gaadha, haddaad xaflado aroos iyo meher leedahay ammaba aad sidaadaba isu qurxinayso, marba ha moogaannina, hana ka habsaamina. Haddaba Hooyga Qurxinta Dumarka ee Panaromahalka ay ku yaallaan aan idiin tilmaamee, booqda xarumaha Panaroma Manicure and Pedicure & Panaroma Beuiti salon oo ku kala yaalla Dhismaha Deero Mool iyo ka soo horjeedka Jameecoweyn sparpartis amma Fooqa xarunta u ahaa xawaaladdii Qaran ee dhinaca waqooyi-bari ee Line-ka bilayska amma agagaarka Mataanaha Dahabshiil ee magaalada Hargeysa amma waxaad kala xidhiidhi kartaa Taleefannada kala ah; 0634425623

Xukuumada Somaliland Oo Joojisay Shir Ay Ku Xidhiidhisay Soomaaliya Oo Jaamacada Hargeysa Lagu Qabanayey

Hargeisa(GNN):-Xukuumadda Somaliland waxa ay gabi ahaanba maanta joojisay shir lagu tilmaamay in uu ahaa Shirweynaha Dhallinyarada Soomaalida oo ay soo qaban qaabiyeen koox dhallinyaro ahi kaasi oo ay fududaynaysay Jaamacadda Hargeysa.

 

Ilo-wareedyo u dhuun daloola shirkan maanta xukuumaddu mamnuucaday oo ciwaankiisu ahaa “Shirweynaha Dhallinyarada Soomaalida” sida qorshuhu ahaa waxa uu ka qabsoomi lahaa Hoolka Shirarka ee Jaamacadda Hargeysa oo saacadihii ugu dambeeyey gabi ahaanba xukuumaddu albaabada isugu dhufatay.

Wararka laga helayo shirkan ayaa xaqiijiyey in ay xukuumaddu shirkan baajisay Gaar ahaan wasaaradda Arrimaha Gudaha iyada oo aan rasmi ahaan loo ogayn sababta keentay in wakhtigan la joojiyo iyada oo muddooyinkii dambe oo dhan hawsha qabashada shirweynahani soo socotay sidoo kalena ay ku casuunaayeen oo ay dadka shirkaasi ka qayb galaya ka mid ahaayeen wasiirro xukuumadda ka tirsani.

Sida ku cad Mareegta internet-ka ee shirweynahan ujeedadiisu waxa ay ahayd ka faa’iidaysiga fursadaha, Layli-shaqo iyo guud ahaan horumarinta dhallinyarada waxaana furitaanka shirka ku qornaa sida jadwalka shirka ka muuqata wasiirka wasaaradda dhallinyarada iyo ciyaaraha Somaliland Boos Mire Maxamed, sidoo kale wasiirkii hore ee Macdanta iyo Tamarta Xukuumaddii Siilaanyo Xuseen Cabdi Ducaale, masuuliyiin isugu jira ururradda Bulshada iyo aqoonyahanno kale, waxaana sidoo kale Mareegta ajandaha shirkan ka muuqda in ay fikirka Mashruucan aasaastay haweenayda lagu magacaabo Saamiya Cabdirisaaq balse aan la ogayn wax ay xukuumadda Muuse Biixi ka urisay wakhtigan.

Sidoo kale wararka ayaa sheegaya in xukuumadu hore u ogolaatay qabashada shirkan isla markaana ay la socotay dhaqdhaqaaqiisa iyada oo haatan lays waydiinayo sababaha xiligan keenay in la joojiyo furitaanka shirkaasi.

 

%d bloggers like this: