Hargeisa(GNN):-Shacabka Somaliland intii daawatay shirkii jaraaid ee uu maanta warbaahinta kula hadlay dr maxamed cabdi gaboose ayaa ku kala aragti duwan khudbadan uu jeediyey siyaasi dr Gaboose.
Bulshada isticmaasha baraha bulshada oo saacadihii lasoo dhaafay siweyn u qaadaa dhigayey Dr gaboose ayaa qaarkood aaminsan yihiin inay la qabaan aragtida ama fikirka Siyaasi gaboose kagaga waramay maanta shirkiisa jaraaid islamarkaana yahay muwaadin dalka iyo dadkaba u damqanaya.
Waxaanay ku tilmaameen inuu yahay siyaasi dhexdhexaad ah oo laxejeclo ka leh dalka, arrimaha doorka ah ee uu ka hadlayna yihiin kuwo xaqiiqada ku qotoma, una baahan in xukuumadu wax kaqabato oo shacabka somalilan arrimaha qabyaalada ee kala irdheeyey laga hawlgalo, bulshada somaliland noqoto mid danaheeda iyo qaranimadadeeda il gaara u yeelata, oo qaranka dhismihiisa meel looga soo wadda jeesto.
Shacabka Qaarkii ayaa iyaguna qaba aragti ka duwan taa hore uu Dr gaboose ku tilmaamay inuu yahay in wakhtigan danta ku khasabtay ay tahay inuu ka hadlo arrimahaasi, han siyaasadeed oo uu hadda higilka lasoo kacay, balse ay arrimahan uu ka hadlayaa yihiin kuwo la odhan karo waa ilmaddii yixaaska,
dadka qaar ayaa sheegay in Dr Gaboose haddii uu bulshada u damqanayo ay ahay inuu isagu lacag ay iska bixin karaan ku baadho kana qaado bulshada dhakhtarkiisa, halka uu aragtidiisa oo kaliyaata dhakhtarka lagu arko lacag gaadhaysa ilaa lixdan dollar 60$.
Aragtiyahan is khilaafsan ee baraha bulshada qabsaday kadib hadalkii Siyaasi Dr Maxamed Cabdi Gaboose ayaan lagu cabiri karin mawqifka iyo fikirka siyaasi gaboose.
Dr Gaboose Ayaa wakhitii Xukuumadii Madaxweyne Axmed silaanyo soo noqday waasiirka wasaarada Arrimaha gudaha jsl, kaas oo uu muddo xilkaasi hayey.
Arrimahan uu Ka hadlay Siyaasi gaboose ayaan la dafirikarin xaaladaha qaar uu kusoo qaatay hadalkiisa, kuwaas oo ka jira waddanka, dhinaca amaanka markaad eegto somaliland waxaa sanadkii ugu danbeyey ka jiray dhaqdhaqaaqyo mucaarid iyo kooxaba isagugu jira kuwaas oo Barriga somalliland iyo galbeedkaba ka sameysmeen jabhado aan ilaa hadda Xukuumada somaliland Soo afjarin tabashadooda iyo waxa sababta u ahba.
Sidoo kale arrimaha qabyaalada iyo kala qaybsanaanta shacabka somaliland ayaa iyaduna qab ka ahayd Qodobada uu ka hadlay dr gaboose, waxaana muuqata in shacabka somaliland kadib doorashadii dalka ka dhacay uu kursiga madaxweynaha uu ku guuleystay Madaxweyne Muuse Biixi Cabdi wixii ka danbeyey inay jiraan tabashooyin la xidhiidha, dhinaca xilalka siyaasiga ah ee xukuumadu magaacowday iyo shaqsiyaadka Madaxweyne Biixi u xushayba.
Halkan Hoose Ka Daawo Qodobada ugu Muhiimsanaa ee Ka hadlay Dr Gaboose.
https://youtu.be/vmzBGYDKGUE















