Nairobi(GNN);-Ambassador Baashe Xaaji Cawil oo ah safiirka somaliland u fadhiya dalka kenya, ayaa qoraal uu la wadaagay warbaahinta ku beeneyey qoraalo baraha bulshada lagu faafiyey oo sheegayey in lagu xidhay dalka isutaga imaraadka catabta.
Qoraalkan oo uu kaga war bixiyey wararkaas been abuurka ah ayuu si weyn ugu eedeyey xukumada federalka Soomaaliya waxaana qoraalkiisu u dhignaa sidan.
Qore: Amb Baashe Cawil.
WAR CELINTA WAR BEEN ABUURID AH
Reer Somalia Ma Habaar Bay Dan Moodeen!
Way iska dhacdaa in marka albaabka siyaasadu soo xidhmo, oo beentii aan lugaha ku taagnay isa soo oodo, in dadka la isku dayo in la jaah-wareeriyo, oo waxaan jirin iyo riwaayad lagu mashquuliyo.
Dadka Somalia anigu ma aflagaadeenayo, oo sharaf bay naga muddan yihiin, laakiin qolyaha Dawladda Somalia ee Nabar iyo Naxdin waxa aan leeyahay beenta aad shacabka ku shubaysaan iska daaya,
Aniga layma xidhin, waxaan muddo labo bilood ahna aan joogay Dalka Imaaraadka Carabta, oo ay iigu dhacay xayiraadii COVID 19 si lama filaan ah.
Waxaan ahay Wakiil matala Sharafta iyo Karaamada Shacab iyo dawladd ee Jamhuuriyadda Somaliland, Dawlada Kenya iyo Somaliland na waxa ay leeyihiin cilaaqaad soo jireena, oo oo ilaa 18th century gii soo jiray, maantana maraya heerkiisii ugu sareeyay.
ALLAA MAHAD LEH.
