Marxuum Ibraahim Barre Nuur aan Xuso intaan aqaanay iyo waxaan ku bartay.

Marxuum Ibraahim Barre Nuur, Geerida dishaay Geedkaa ha bo’

Axmed Shire Maxamed yoonis(Baandheeye)
Gudoomiyaha Waxbarashada iyo Sayniska Eee Gobolka Sanaag.

Marxuum Ibraahim Barre Nuur aan ka Xuso intaan aqaanay iyo sidaan u bartay.

 

 

Marxuum Ibraahim Barre Hurre

Marxuumka waxaan bartay xilli uu Jaamacada Lafoole ku jiro aniguna markaas ahaa Aradaydii ugu horeysey PP(Primary Program) ee Tababarka waxbarasho ugu jirey Jaamacada Lafoole.
Marxuum Ibraahim Barre wuxuu markiiba ka mid noqday Saraakiishii sarsare ee Wasaaradii Waxbarashada ee Somalia, gaar ahaan noqoday Agasimaha waaxda Waxbarashada Dadban.
Marxuumku wuxuu wabarasho Mastar ah u tegey Dalka Ingiriiska.

Marxuumka waxaan ugu tegey Dalka Imaaraadka, Gaar ahaan Caasimada, Abu Dhabi taariikhdu Markay ahayd 07/05/1981.

Waqtigaas Marxuumku wuxuu Shaqo Sare (senior Personnel Officer) ka bilaabay sherkadii isgaaddsiinta oo la oran jirey EMERTAL, markii dambeba loo bixiyey ETISALAT.

Marxuum Ibraahim, wuxuu Marba Marka ka dambeeysa ahaa Ragga fara kutiriska ee Sherkada hagayey waxna laga weydiiyo, markastana derajadiisu kor u sii baxaysey ilaa uu ka Gaadhey Darajada Vice President, muddooyinkii ugu dambeeyeyna ugu Shaqaynayey la taliye Gaar ah ( Special consultant.

Marxuumku wuxuu ka soo shaqeeyey Dawlado Badan oo Sherkadu xidhiidh Aqooneed iyo Dhaqaaleba la lahayd ay kana mid ahaayeen Sacuufiga, Masar, Jordan iyo qaar kaloo badan.
Marxuum Ibraahim wuxuu lahaa Shakhsiyad uu ku mutaystay in uu yeesho saaxiibo badan oo u haya sharaf iyo Karaamo.
Wuxuu ahaa halgame daacad u ah Dalkiisa iyo dadkiisa, door laxaad leh, tusmo , talo iyo dhaqaaleba kaga qayb galay halgankii dheeraa ee loo soo maray dib u xorayntii JSl. Sidoo kale wuxuu ahaa dadkii dhaqaalaha ugu badan ku bixin jiray halgankii dub u xoraynta Dalka Iyo dib u dhiskii Qaranimada Somaliland iyo nabadayntii.

waxa  kaloo Marxuum Ibraahim door laxaad leh kaga jirey dhidiba u taagistii Xisbiga Kulmiye iyo guulihii lagu gaadhsiiyey hogaan u qabashada QARANKA JSL.
Marxuum ibraahim wuxuu ahaa ururushe, Gurgurshe, isu soo dhoweeye, deeq bixiye, isagoo ku suntanaa deeqsinimo, Marti soore, Soo dhoweeye, tala suubane, gargaar fidiye jecel inuu ka shaqeeyo horumarka, wuxuuna Xilligan doorka ugu weyn ku lahaa Jamacadda laga dhisayo Degmada Gar-adag ee gobolka Sanaag oo ah deegaanka uu soo jeeday, Marxuum Ibraahim lama  soo koobi koro doorkiisii halgan, dib u dhiska Dalka Iyo dadka.

Allah haw naxariistee Marxuum Ibraahim Barre Nuur wuxuu ifka kaga tegey hal Xaas, shan wiil iyo gabadh. Ilaahay godka ha u nuuro Qoyska uu ka baxayna Ilaahay Samir Iyo Iimaan Saadiq ah ha ka siiyo Aamiin Aamiin Aamiin.

Axmed Shire Maxamed yoonis(Baandheeye)
Gudoomiyaha Waxbarashada iyo Sayniska Eee Gobolka Sanaag.