Qofka Hacooga Ah iyo Dawladaha Dangorodlahu Waxay Wadahadalada u Fahmeed In Soomaalidii Talyaanigu Gumaysan Jiray Afti Ka Dhiibato Masiirka iyo Rabitaanka Shacbiga Somaliland.
Waxaynu sagaal sano ku jirnay arrin jahawareer abuurtaiy, oo qof waliba sida uu jeclaado u macnaysto, dadka qaarkoodna malafsi iyo hunguri ka raadiyaan.Wadahadalka Somaliland iyo Soomaaliya waxuu noqday mashruuc lagu jahawareerinayo shacbiga Somailand, qaybna ay ka yihiin xukuumadihii somaliland ee Siiraanyo iyo Biixi.
Somaliland waxay maamulka xamar u furtay waddo aanay weligood hawaysan, oo ah in ay maanta ku doodaan masiirka iyo rabitaanka Shacbiga Somaliland ayaanu talo iyo afti ku yeelanaynaa, oo ay tahay in wax nalaga weyddiiyo in Somaliland midawgii ay nala gashay inay ka noqon karaan iyo in kale.
Adduunka oo dhami hadduu aqoonsado, marna ma noqon karaan dawlad ilaa Somaliland ay is aqoonsadaan. Inaga aiyaa maamulla dhulka ay sheeganayaan, iyo dawladda ay sheeganayaan. cid ay kala xaajoon karto nabada xuduudaha oo aan Somaliland ahaynina ma jirto. Yuhuudda adduunka oo dhan ayaa aqoonsan, waxay ilaa maanta waxay dawladaha waaweyn ka baryaan, in falastiin lagu cadaadiyo inay yuhuudda aqoonsato. Ninka ku colaadin kara ayaa ku caawin kara, ee dawlado shisheeiye waxba kuu tari makaraan.
Shacbiga Somaliland waa kii lixdankii afti iyo rabitaan codkooda ka tarjumayada ay kula midoobeen soomaalidii talyaaniga xornimada ka qaadatay, kow iyo sagaashankiina iyagaa masiirkooda afti iyo rabitaankooda ku go’aansaday inay ka baxaan midawgii ay la galeen soomaalidii talyaaniga ka xorowday.
Waxaa la iyaab leh in maamulka xamar iska dhaadhiciyo in shacbiga muqdisho afti ka bixiyo masiirka iyo rabitaanka shacbiga Somaliland. Maamulka xamar meella uma soo maro, talona kuma yeelan karo in Somaliland go’do iyo inkale.
Xukuumadda Somaliland ee talda haysaa waxay raacaysaa rabitaankii shacbigu aftida ku go’aansaday inay inay ka baxaan midawgii ay la galeen soomaaliya, ayna noqdaan Jamhuuriyadda Somaliland ee ku sifaiysan dawalddii xornimada qaadatay 26kii Juun 1960.
Wada hadalka Somaliland iyoSoomaaliya waxuu ku egyahay Somaliland shacbigeedu iyagaa masiirkooda ka tashaday, wax xamar iyo shacbigeeda laga wayddinayo, ama afti ay ka dhiiban karaan masiirka Somaliland ma jir, xaqna uma laha.
Somalidu waxay ku maahmaahdaa haani gunbay ka tolantaa. Wadahadalkaa guntiisuna waxuu yahay maanta laba calan ayaynu kala leenahay, ee ma ta san baynu ka eegnaa oo laba dal oo walaalo ah aiyay noqonaa, mise ta xun ee aiy xamar jeceshahay ayaynu qaadanaa oo inaga oo col daahii go’ay ayaynu ku kala baxnaa.
Golaha xildhibaanada Somaliland iyaga ayaa dabarka ka furay arrintaa wada hadalka, iyagaana looga fadhiyaa inay shir isugu yimaaddaan oo wax iska wayddiiyaan wadahadalkii ay ansixiyeen ee sagaalka sano ka soo wareegtay, maxaa ka qabsoomay ma lagu khasaaray, mase loo baahan yahay in afka laga daboolo, oo colaadda xamar ay raadinayso lala wado.
Waxaan qabaa haddii aynu colaadda xamar mid la mid ah qaadano, inaynu ka faaiidayno, oo aynu kaga maarmaoyno wakhtigaa maaweelada inagaga khasaaraya, ee aynu dad markii ay tashan kari waayeen gaal iyo islaam, iyo madaw iyo caddaan cid waliba ku daashay, oo caqliga biddeha leh oo aan ismaamuli karin , oo wada noqday maafiyo iyo tuug aynu wanaag ka eegayno.
cadaawadda iyo hagardaamada maamulka xamar uu ku hayo Jicritaanka Qaranimada Somaliland, waxa loo baahan yahay in shacbiga iyo xukuumadda Somaliland cadaawad iyo colaad lamida qaataan, oo xamar loogu geeyo dhibaatada iyo balaayada ay Somaliland la rabaan. Kuwa Somaliland u dhashay ee ay ku adeegtaana ee caddaiymahooda dembiyada ay galeen warbaahinta ay ka buuxaana maxkamad milatari lagu xukumo iyaga oo maqan si loosoo qabto.
Ninka aan waxa jooga garani waxa soo socdana ma garto.
