Waxa yaaba oo yaabka yaabkiis ah in rag salaadiin sheegta inta cumaamad garabka so saartaan media la soo fadhiistan wax ka sheega Gabiley waliba qaarkood xishood la’aan aan dhawr jeer indhahayga ku arkay oon been ahayn tolow ragaasi gabiley maxay ka rabaan ?
Hubaal waa tuducan hoose:
“Xanuunki alle keenay xasadba u horeeyo dhashii xawiyo adam isaga mid xabalay dhanxiirow xeradada xidigaha laga ood” wa tuduc ka mid ah maanso aan lahaa.
Hadii lagaga tegey dhaxal ah, geel aynu qaadno mooyee keena waligii rag ma soo hawaysan jirin, geeleenu waligi shan boqol Kama yaaran, waligeed rageena darka lagama riixi jirn, reerkeena dadka u badnaa.
Reer Gabiley awow-yaashood waxay uga tegeen dhaxal ah: rag hadooxine dhulka dooxa ((wax soo saar ))alle ka cabsiga ogaada ,xishoodka ogaada, marti soorka ogaada, faanku waa jahliye iska jira, caydu waa ceebe ka carara, daayeer gacantiisu biyo kaga dhergaye dhulkiina aamina,xoogiina aamina, qayrkiin habaryina, dadka reer gabiley waa umad sharaf leh o soo dhaweynta yaqaan wax dhaba inay yihiin umada gobolkooda loogu marti badan yahay reer somaliland o dhana ku so dhaweeyeen magalo ganacsiga wajaale waana dhaxalka looga tegey marti soorka iyo soo dhaweynta umada adiguse habeen qof maad marti-geliseen waayo dhaqankaa maad dhaxlin.
“Ileen af aanhad lahayn lama qabto” Waxad tidhi gabiley gobol kuma sheegi karee waa tuuladii xasiida adiga qalbiga xasadku ku jiro ayaa runta ku diidaye abaartii waad ogeyd somaliand bari inay gabiley isagu timid waanay ku amaanayeen inay tolkoodo baahan waxtaraan. Reer gabiley intay dhul leeyihiin ayaa ku filan Kuna iimaan qabaan martina loogu yimaadaa bal soo sheeg reer gabiley dool-raac ah awalba may aqoon hadana hadalkeedba daa.
Adiga yaan lagu arkin roobkoo da’aya iyo waanu ooma-nahay biyooy -biyooy
Ninba laga hayey rag ma-qalin qaaxadisan-se ku jiraaye Haday adiga calooshu ku taagantahay shacbku ninkaad ku socoto horey ugu yidhahdeen:
Jiilaal hawaarsaday
Dadka o haraad Qaba
Awrku heeryadii dhigay
Doonyadiina hoobteen
Hogoshii u curatee
Haro wada biyaysee
Raha ciida hoosiyo
Shimbiruhu u heeseen
Hoodaale yaad tahay
Hayin aan dakaamayn
Ubad loo dul-hooyiyo
Habasaha kaliilaha
Damal la hadhsadaad tahay
Hooto caano badanoo
Horaadada nasiisiyo
Hogol noo da’daad tahay
Hadi camal-san baad tahay
Sida curad halyeyo
Duco waalidi helayo
Maalintay haboontahay
Haqab-tiray dadkiso
Lagu so hirtaad-tahay
Noo hagarbaxaad tahay
Qore: Ibrahim Adam Elmi Galaan (Qumaash)
