Adduunyooy huq iyo
hagardaamao badan
Warkan haatan yimid
dhiillada huwani
Ma Hadraawi bay
Ka haguugtayoo
Ciidda hoos maroo
Hor ilaahay tegay
wuxu ahaa haldoor
Hiil iyo dadnimo
Xaq U hiishoo
Garta hubin yaqaan
Halgankii adkaa
Hayaankii bulshada
nin aan la hollinoo
horseed uu ahaa
wuxu ahaa halyey
Lagu hodin adduun
Lagu dagin hungiri
Hanti lagu sasabinoo
Hide iyo dhaqan
ninka lagu hirtee
hiigsaduu ahaa
horyaal buu ahaa
Nin u hiisha samo
Habrashada aqoon
Hadal la gabbanoo
Halyeyuu ahaa
bulsho habacsanoo
hoganaysa oo
Keli talis u helay
Hadhcad muxuu u kacay
Heeryada ka rog
Halgan muxuu lalabay
Nafta muxuu u huray
Halis muxuu u galay
intu holac ku shiday
Daalinkii ka hiray
Sugaanta hilan
Hubka aan ka dhicin
Muxuu ku harqiyoo
Haanka uu ku jaray
Had waa loo dhashoo
Geeri lama huree
Hogga lagu jannee
halgamuu ahaa
ma halmaamaynoo
abaalkaad hurtee
hiyyiga iyo laab
waan ku haynaynaa
hoyataye Allaw
aakhiro halkii
hillinkii wacnaa
hooy kaaga yeel
Aamiin Aamiin
By: Ali Xaruuri
Rotterdam Holland
E-mail:adam.32@live.nl
