Moqdisho (GNN):- Madaxweynaha Mareykanka Donald Trump ayaa
Donald Y. Yamamoto u magacaabay inuu noqdo safiirka aan caadiga ahayn, islamrkaana leh awoodda buuxda ee Mareykanka u qaabilsan Soomaaliya.
Mr. Yamamoto ayaa hadda ah ku xigeenka kaaliyaha xoghayaha arrimaha dibedda Mareykanka ee xafiiska arirmaha Afrika.
Waxa uu horey usoo noqday sii-hayaha kaaliyaha xoghayaha xafiiska arrimaha dibedda.
Muddadii uu ka shaqeynayey siyaasadda arrimaha dibedda Mareykanka, DonaldYamamoto waxa uu soo noqday safiirka Mareykanka ee dalalka Ethiopia iyo Jabuuti.
Waxa uu saddex shahaado oo kala duwan ka kala qaatay jaamacadaha Columbia University iyo National War College ee dalka Mareykanka, isaga oo sidoo kalena ku guuleystay 22 abaalmarin oo ay bixisay waaxda arrimaha dibedda Mareykanka.
