Bushaaro, Bushaaro, Bushaaro; Koofeerka Panaroma Manicure and Pedicure oo looga bartay adeeg hufan, qiimo macquul ah, nashqadaha qurxinta Dumarka noocyadooda kala duwan iyo shaqaale macmiisha raalligeliya, waxa uu kuu soo kordhiyey Qalab casri ah, nashqado cusub oo heer sare ah, dharka aroosyada, taashashka iyo adeegyo ku raalligeliya. Haweenkoow ha moogaannina Koofeerka casriga ah ee Koofeerka Panaroma Manicure and Pedicure iyo Panaroma Beuiti salon inaad iska habaysaan habkasta iyo hannaankaad rabtaba halkaasaad ka helaysaan ee hore u gaadha, haddaad xaflado aroos iyo meher leedahay ammaba aad sidaadaba isu qurxinayso, marba ha moogaannina, hana ka habsaamina. Haddaba Hooyga Qurxinta Dumarka ee Panaromahalka ay ku yaallaan aan idiin tilmaamee, booqda xarumaha Panaroma Manicure and Pedicure & Panaroma Beuiti salon oo ku kala yaalla Dhismaha Deero Mool iyo ka soo horjeedka Jameecoweyn sparpartis amma Fooqa xarunta u ahaa xawaaladdii Qaran ee dhinaca waqooyi-bari ee Line-ka bilayska amma agagaarka Mataanaha Dahabshiil ee magaalada Hargeysa amma waxaad kala xidhiidhi kartaa Taleefannada kala ah; 0634425623

Ku Xad-Gudubka Xasaanad Dhaqameedka Ee Haatan!W/Q:Eng Xuseen Deyr.

MADALAHA DHAQANKA Ee ay Bulshadu ku kulmi jirtay (nooc kasta iyo meeqaam kasta oo ay ahaayeenba) waxa si weyn looga taxadiri jiray in hadalada iyo weedhaha la isku dhaafsanayo Madashaa iyada ah aanay noqonin kuwo abuura aafo iyo fidmo ummadda kala dila.

Ummadda Somaliland waxay dhaqan soo jireen ah u lahaayeen in wixii Gar iyo Gole-fadhiisi ah; ama Cabasho, Canaan iyo Dhalliil ah; ama Talo, Toosin iyo Waano ah ay isugu gudbin jireen sifo quman oo ku habboonaa ama waafaqsanaa dhaqankeena suubaniyoqaab-nololeedka Bulshada.

Hufnaanta, Dhawrsanaanta, Anshaxa iyo Tilmaamaha wacan ee uu lahaa Dhaqanka Ummadda reer Somaliland waxaynu tusaale u soo qaadan karnaa sida ay Xilli iyo Xaalad walba, Madal iyo Gole kasta u lahaayeen hadallo, HAB-MAAMUUS iyo ASLUUB u gaar ah oo ku habboonaa Madasha xilligaa la joogo.

Waxa mar walba reebanaa in meel lagaga dhaco Cirdiga, Sharafta, Magaca, Maamuusta iyo Karaamada ay leeyihiin qofka, qoyska, jifada, beesha, qabiilka iyo bulshada nolol-wadaagta ah. Xataa haddii ay Madashaa iyada ahi kulmisay dad ay xurgufi dhextaalo ama iyagu dhexdooda wax kala tabanaya, waxa mar walba reebanaa in lagu xad gudbo MILGAHA iyo SHARAFTA uu dhaqankeenu!!

MAXAA KU DHACAY HAYBADII IYO HAN-FOGAALKII UU DHAQANKEENU LAHAA??

Waqtigan xaadirka ah MADALAHA LAGU KULMO NOOC KASTA OO AY YIHIINBA; ha noqoto mid Dhaqan oo kulmisay laba reer sida Meherka, mid Farxadeed sida Qalin-jabinta Ardayda, mid Bulsho, mid Ganacsi & Dhaqaale, mid Siyaasadeed, mid Suugaaneed iwm; waxaad arkaysaa sida loo caadaystay in si joogto ah loogu xad-gudbo XASAANAD DHAQAMEEDKA.

Waxa muuqata in haatan laga leexday oo meel la iska dhigay Milgihii, Maamuustii, Haybadii  iyo Han-fogaalkii uu lahaa Dhaqankeenii QANIGA ahaa. MADAL kasta oo lagu kulmo waxa ka soo baxa hadallo aan loo meeldayin oo deel-qaaf iyo meel-ka-dhacba ku ah dhaqanka iyo milgaha aynu ummad ahaan leenahay. Sidoo kale, hadallada haatan ka soo baxa MADALAHA lagu kulmo waxay macno tireen Maamuustii iyo Haybadii Xafladaha iyo ujeedadii loo qabtay Munaasibadaa iyada ah.

KU XAD-GUDUBKA JOOGTADA AH EE XASAANADA DHAQANKU WAXAY HALIS KU TAHAY HAYBADII IYO HAN-FOGAALKII UU DHAQANKEENU LAHAA!

Wa Billaahi Tawfiiq,

ALLAA MAHAD LEH,

W/Q: Eng. Xuseen Aadan Cige (Xuseen Deyr)

%d bloggers like this: