Dawladda Sacuudiga ayaa ku dhawaaqday in dhaqaalaha dalka oo hoos u dhacay dartii ay soo rogtay tallaabooyin ay ku dhimayso kabiddii, canshuur dhaafkii, iyo gunnooyinkii ay muwaadiniinta siin jirtay.
Hoos u dhaca dhaqaalaha Sacuudiga ayaa waxaa horseeday saameynta uu cudurka Coronavirus ku yeeshay dalkaas, qiimihii shidaalka ee caalamka oo hoos u dhacay iyo dalxiiskii goobaha barakeysan ee dalka oo meesha ka baxay.
Sacuudiga ayaa sidoo kale kordhiyey canshuurtii iibka, si loo kordhiyo dhaqaalaha dalka soo gala, waxaana la dhimay miisaaniyaddii dowladda.
