Duqa magaalada Burco ee gobolka Togdheer Maxamed Muraad ayaa ka digay inay dadka meelaha kale ugu dhinta xanuunka COVID-19 ee dib loogu soo celinayo maydkooda magaalada Burco ay taasi sababi karto inuu xanuunku sii faafo.
Maxamed Muraad, oo shir jaraa’id qabtay, ayaa ku baaqay dadkaasi lagu aaso magaalada ay ku dhintaaan, oo aan lasoo celin.
Hadalkiisa ayaa imanaya ayada oo maalmihii dhowaa ay kiisaska COVID-19 ee deegaanada Somaliland sare usii kacayeen.
