Bismillaahi Alrahmaani Alrahim
Qaybtii labaad
Inagoo daba socona qaytii hore; waxaynu dhaxalay oo kale xabaalo wadareedyo, dad 20tan, 30don iyo wax la mid ah isugu xidhxidhan oo ilaa maantadan daadku soo faqayo markhaatina aad ka tihiin.
Goofafka iyo xabaalaha shixnadan iyo godadka buuxbuuxa; (ab.hadre).
War-mooge, Salkaa ciidda la dhigtaye ma dhaqaalaa jiray,?
Ma Baananka adduunka ayey lacagi innoo taalley?
Ma dadyoowga hore maray ee is-aaminay baa wax ku amaahiyey, ama kuugu deeqay?
Xaalku dirridaa, iyo daala-dhac buu ahaaye. Walina kab-kabku wuu socdaa.
Halkan lagu ma soo koobi kari dhibaatooyin nooc walba lahaa ee maddada dheer innagu socday.
Gadhle-yaraw su’aalahan iyo kuwii horeba waan soo dalxaadsadeye, maskaxdaada la kaashoo deganaanshuna la ogaw, yey ku laab-kicinin 29tanka sano eey kaaga dhigeen waqti badan oo barwaaqo lagu soo jiray, waana intaad jirtaye ayaanu ku waalin nin waxyaabo kale u laaban yihiin, nin gabrraaranayaa ayaanu awrkiisa kugu kacsan.
Xaggaynu ku soconna, su’aal maanta iyo berry midnaba taalla maaha,
Halkaynu ka nimid weeye su’aasha ku haboon in la is waydiiyaa, iyo maxaa innoo qabsoomay , maxaase weli qabyo ah.
Waan iska baaqaya waa sharci darro fal-danbiyeed ah, waa sifo qaldan waana aafo.
dalku golaayaal sharci buu leeyahay, cid kasta oo wax ka cabanyasana meelaha ay khusayso iyo maxkamadaa u furan.
Xorriyadda qofnimaduna meel aanay dhaafi Karin, iyo xad soo xidha ayey leedahay.
Ma sharcigaan jiidhayaaye ayaan layla hadlin baa.?
Idinku qas baa waddaan oo uma jeeddaane, kala dambeyn baa hore loogu socon karaa
Haddaad jeceshiin inaad si sax wax u dhalliishaa aayar xisbada qaranka gala.
Mid maalin dhaweyd hadlaayey waxa u yidhi haddii nala maqli waayo dadkaanu kicinaynaa oonu adeegsan doonnaa. Waxa lagu yidhi, hortaa jireba waa, taana horaa daalay, furaaska aad ku hurudo ha is ka gubin
Dadkuna nabadda iyo dawladdoodii ay doorteen iyo golayaasheedii sharci ayey ayidsan yihiin, wax qasana ma ogola, qalaasana way ka daaleen. Doorasho uun baana wax lagu bedeli karaa
Taageero lagu degdegay.
Anigoo la yaabban innamandan dhalin-yarada ah ee guryahoodii laga soo toosiyey, haddana Waxaan la sii yaabay; shan nin oo isku qoysah, (qaar uun baa qoysas sheeg sheega eh) oo inta midba mar warbaahinta soo fadhiistey, weliba qaar ku laba noqdeen, oo leh waanu taageersan nahay baaqa, weliba kaga darane qaar baa cagligoodu siiyey inay si xammaysan u yidhaahdaaan, madax-weyne!!! ka so jawaab baaqa, si degdeg ah uga soo jawaab.
Raggaasi badan koodu waxay afhayeenu ka yihiin amma hoggaanba ka yihiin Xisbada qarank ee mucaarid, waa dadka doorashooyinka waqtigooda ka qabsoomi la’ yihiin ee tii ugu dambaysay imika laba sannadood iyo dheeraad la baryaayey si doorasho u qabsoonto. Kuwa muranka iyo murugga goor walba keenaa waa iyaga, haddana meela kale yey iskaga reexaan qaladaadkooda.
waa niman aan fahamasanaynba mucaaridnimada loo baahan yahay waxay tahay.
Waxan leeyahay xisbiya isa saxa, ma wada qaldanidin ee kuwiina qaldan iska qabta, si aad uga shaqaysaan toosinta qaranka halka
aad qallocinta ku caano maasheen
la soco qaytii 3aad
waa Mohamed H.A ( Indha-cawl)
