Ganacsatada Soomaalida ee magaalada Nairobi ayaa rajo wanaagsan ka qaba in dib loo furo dhaq dhaqaaqyadii ganacsiga, goobaha cibaadada iyo isku socodka magaalada Nairobi iyo gobbolada kale ee dalka Kenya.
Ganacsiga Soomaalida ee Kenya ayaa markii hore ku tiirsanaa macaamiishooda oo ka kala imaan jiray gobollada kala duwan ee Kenya iyo sidoo kale wadamada dariska balse markii ay Dowladda Kenya ku dhawaaqday go’aan lagu joojiyay dhaq dhaqaaqa dadka waxaa hoos u dhac xooggan uu ku yimid ganacsiga Soomaalida ee Kenya gaar ahaana caasimada.
Arrintan ayaana imaanaysa xilli lixda bisha lagu wado in Madaxweyne Uhuru uu dib u eegis uu ku sameeyo xayiraadii waddanka saarnayd.
