Wararka laga helayo degaanka Saaxo ee Gobolka Mudug ayaa waxaa ay sheegayaan in maleeshiyaad hubeysan ay xalay halkaasi ku dileen laba qof oo dadka degaanka ah.
Dadkla la dilay ayaa waxaa la sheegay in ay ahaayeen Xoolo dhaqato, isla markaana dilkooda loo aaneynaayo inay la xiriirto aanooyn qabiil.
Wararaka ayaa waxaa ay intaasi ku darayaan in degaanka saaxo oo maalmahaan ay ka taagnaayeen xiisad dagaal oo u dhaxeysa laba beelood ay gaareen Ciidamo ka tirsan kuwa dowladda gaar ahaan kuwa Xasilinta Gobolka Mudug oo ah cutub isku dhaf ah oo horay loogu diyaariyay maareynta xiisadaha beelaha ka dhex dhaca ee kusoo lab laabta gobolka Mudug.
Mas’uuliyiin ka tirsan Maamulka gobolka Mudug ayaa sidoo kale la filayaa inay gaaraan halka uu dilka ka dhacay, si xal looga gaaro xiisada ka dhalatay dilkaas.
