Waa Maxay Gumaystaha Qarsoon ? Maxaadse Ku Tilmaami Lahayd Gumaystaha Qarsoon ?
Maanso Gumaystaha Qarsoon Erayadii Abwaan Sacad X Maxamuud Gadhle …
Gabaxow habeenadan
Moorada godkeediyo
Giganaha markaan dayay
Ama baadhay goog’laha
Guud ahaan aduunyada
Muslinkii gumaadiyo
Guluf iyo dagaaliyo
Gantaalaa ku dhacayoo
Qaraxyaa gilgilayoo
Wanaagaa gabaabsiyay
Gadgadoonka waayuhu
Waa giraan wareegtee
Gogol xaadhka maansada
Hal-xidhaale guunoo
Gobo’odiisa hoosiyo
Waxaan uga gol leeyahay
Garashada dhallaankiyo
Gambo dumar ku adagoo
Garaadkoodu sixi karin
Aniguna guyaal badan
Waxaan baadi goobaa
gumaystaha qarsoonee
Ku gadaaman noloshee
Hadaan gaadhi raaciyo
Hadaan badaha gooshiyo
Gooladaan ka laabiyo
Dal kastoon u guuriyo
Goobtaan istaagaba
Dadka gabi ahaantood
Garabkooga joogee
Qofna aanu garanayn
Waa bahal gurguurtoo
Marna geedo fuuloo
Guushaada neceboo
Danta guud u daranoo
Danta gaara jeceloo
Dadka kala guraayoo
Gooni gooni ula faqa
