Guddoomiyaha Ururka Suxufiyiinta Somaliland ee SOLJA Maxamuud Cabdi Jaamac (Xuuto), ayaa ka warramay halka uu marayo Mashruuca wax ka beddelka iyo kaabista loogu samaynayo Xeerka ansaxa ah ee Saxaafadda Somaliland, kaas oo dhawaanahanba ay SOLJA iyo Wasaaradda Warfaafinta oo Ururrada Bulshada iyo Aqoonyahanno Shuruucda ku xeel-dheer kaashanayaa wadeen, Saxaafadda qaarkeedna walaac ka muujiyeen xilligan.
Arrinkaas Xeerka, Qorshaha Xukuumadda ee laga cabsida qabo, halka uu hadda marayo, Doorka iyo Difaaca SOLJA, khilaafkii u dambeeyey ee Xukuumadda Madaxweyne Muuse Biixi iyo Warbaahinta qaarkeed oo wada-shaqayntii ay la lahaayeen Madaxtooyada joojiyey halkuu marayo, wadahadal Xukuumadda iyo dhinacyo Saxaafadda ka mid ah dhex-maray, doorka SOLJA ku leedahay xalka khilaafkaas iyo guud ahaan Xaaladda Saxaafadda Somaliland wakhtigan ku sugantay-ba waxa uu kaga warramay Barnaamijka Xog-tibaax oo ka baxa SOMNEWSTV, kaas oo uu soo saaro Weriye Cabdifataax Ismaaciil Mursal.
Halkan hoose ka daawo Barnaamijkaas oo uu su’aalo door ah kaga jawaabay Guddoomiyaha URURKA SOLJA.
