Hargeisa(GNN):-Shir Balaadhan oo uu Guddoominayey Madaxweyne ku xigeenka Jamhuuriyadda Somaliland Mudane, Cabdiraxmaan Cabdilaahi Ismaaciil (Saylici) oo ay ka qeyb galeen madax iyo masuuliyiin ka socota Hayโaddaha Qaramada midoobay iyo hayโadaha samofalka ee Somaliland ku sugan, madaxda qaar kamid ah hayโadaha madaxa bannaan iyo wasiirro xukuumadda katirsan, ayaa maanta ka qabsoomay xarunta qasriga madaxtooyada Jamhuuriyadda Somaliland.
Kulankan oo ay goob-joog ka ahaayeen in ka badan 30 Hayโaddood oo isugu jira kuwa Qaramada Midoobay, Hayโaddaha Caalamiga ah iyo kuwa Samafalka ee dalka ka hawlgala, ayaa diiradda lagu saaray sidii gurmad iyo taakulo loo gaadhsiin lahaa dadka iyo duunyada ku dhaqan gobollada bariga Jamhuuriyadda Somaliland oo xaalad abaareed iyo mid biyo laโaaneediba ay ka jiraan.
Wasiirka Wasaaradda Horumarinta Biyaha Somaliland Saleebaan Yuusuf Cali Koore oo isna kulankaasi ka hadlay ayaa shaaca sheegay in Xaaladda biyo laโaaneed ee ka taagan Gobolada Bariga Somaliland ay tahay mid u baahan in loo sameeyo gurmad deg deg ah oo oo ballaadhan.
Wasiirrada Wasaaradaha Deegaanka, Qorshaynta iyo Arrimaha gudaha oo iyaguna kulankaasi ka hadlay, ayaa dhankooda sheegay inay dedaal balaadhan ku bixin doonaan wixii kala gudboon, ka wasaarad ahaan, waxaana ay hogo-tusaaleeyeen qaabka ugu fudud ee dadkaasi loogu gurman karo.
Qaar kamida Hayโaddihii kasoo qeyb galay shirkaasi oo iyaguna hadalka qaatay, waxa ay sheegeen qorshayaasha waxtarka leh ee uga meel yaala Gurmadkaasi loo samaynayo dadka ku nool Gobollada Bariga Somaliland ee ay soo wajahday xaalada biyo laโaaneed, waxaana ay isla goobtaasi kaga dhawaaqeen waxtarkooda ugu horreeya ee ay kaga qeyb qaadanayan gurmadka deg dega ah.
Ugu danbayntiina waxaa Shirkaasi ka hadlay Madaxweyne ku xigeenka Jamhuuriyadda Somaliland Mudane, Cabdiraxmaan Cabdilaahi Ismaaciil (Saylici), waxana uu daboolka ka qaaday qeylo dhaanta biyo laโaaneed ee Gobolada Togdheer, Sool iyo Sanaag, waxaana uu sheegay inay Xukuumadda ka goโan tahay sidii biyo deg deg ah loo gaadh siin lahaa dadkaasi, isaga oo ku dhawaaqay in hadda la diraayo Booyado biyo ah islamarkaana ay sii wadi doonaan ka xukuumad ahaan gargaarka.
Madaxweyne ku xigeenka Jamhuuriyadda Somaliland Mudane, Cabdiraxmaan Cabdilaahi Ismaaciil (Saylici) waxaa uu baaq u diray Hayโaddaha Caalamiga ah iyo kuwa Qaramada midoobay oo uu ugu baaqay inay deg deg uga soo jawaabaan baaqa qeylo dhaanta biyo laโaaneed ee Gobolada Bariga.
Dhammaad