Inta la xaqiijiyay ilaa Toddobo qof ayaa ku dhintay 2 kale-na way ku dhaawacmeen roobab mahiigaan ah oo tan iyo shalay ka da’ay gobolka Al Jaziirah ee dalka Suudaan, sida ay sheegtay wakaaladda wararka ee dowladda ee Suna.
Tiro dad ah ayaa ka qaxay guryahooda kadib markii ay daadad ku dhufteen halkaas, waxaana barasaabka gobolka Jaziirah, Janaraal Axmed Hanan Axmed Subeyr uu sheegay inay gargaar deg deg ah u fidinayaan dadkii ka barakacay fataahadaha.
Sidoo kale boqolaal qof oo kale ayaa ka barakacay fatahaado ku dhuftay magaalada Khartuum.
