Bushaaro, Bushaaro, Bushaaro; Koofeerka Panaroma Manicure and Pedicure oo looga bartay adeeg hufan, qiimo macquul ah, nashqadaha qurxinta Dumarka noocyadooda kala duwan iyo shaqaale macmiisha raalligeliya, waxa uu kuu soo kordhiyey Qalab casri ah, nashqado cusub oo heer sare ah, dharka aroosyada, taashashka iyo adeegyo ku raalligeliya. Haweenkoow ha moogaannina Koofeerka casriga ah ee Koofeerka Panaroma Manicure and Pedicure iyo Panaroma Beuiti salon inaad iska habaysaan habkasta iyo hannaankaad rabtaba halkaasaad ka helaysaan ee hore u gaadha, haddaad xaflado aroos iyo meher leedahay ammaba aad sidaadaba isu qurxinayso, marba ha moogaannina, hana ka habsaamina. Haddaba Hooyga Qurxinta Dumarka ee Panaromahalka ay ku yaallaan aan idiin tilmaamee, booqda xarumaha Panaroma Manicure and Pedicure & Panaroma Beuiti salon oo ku kala yaalla Dhismaha Deero Mool iyo ka soo horjeedka Jameecoweyn sparpartis amma Fooqa xarunta u ahaa xawaaladdii Qaran ee dhinaca waqooyi-bari ee Line-ka bilayska amma agagaarka Mataanaha Dahabshiil ee magaalada Hargeysa amma waxaad kala xidhiidhi kartaa Taleefannada kala ah; 0634425623

“Anigu, Gabiley Kuma Kacsani, Laakiin Heerkeeda Ha Taagnaato”

Hargeysa(Gnet)-Xildhibaan Maxamed Xaaji Yuusuf Waabeeyo ayaa  xeerka  ismaamulka gobalada iyo degmooyinka ee lagaga doodayo golaha wakiilada ku dhaliilay inuu xildhibaano siman siinaayo  Burco iyo Gabilay, waxaanu ugu baaqay in baahida loo qabo in qiimayn guud dalka lagu sameeyo.

Xildhibaan Waabeeyo ayaa ku baaqay in qiimaynta degmooyinka ee dalka guud ahaan dib loo eego waxaanu gudida xeerkan dib u eegista ku samaysay ku dhaliilay in aanay wax badan oo xeerka ku jira hoos u eegin “Wax ka badalkii lagu soo sameeyay xeer Lr.23 ugu horayn qodobkan 12-aad ee ay wax ka badalka ku samaysay gudida arimaha guduhu qodobkiisa 12-aad,  waxa uu leeyahay waa inay xukuumadu dib u qiimayn ku samayso darajooyinka degmooyinka B iyo C muddo aan ka badnayn laba sanadood, degmooyinkan la laayahay ha soo qiimayso xukuumadu waa degmooyinkii jiri jiray, B marka laga hadlaayo waa shan degmo oo ka tirsan dalka oo waaweyn,marka laga hadlaayo C-na waa 11 degmo, shanta degmo ee B-da ah waxa ka mid ah

Oodweyne,Saylac,Badhan,Ceel-afweyn iyo Buuhoodle, waxa qiimeeyay dhamaan dawladii ka horeeyay Somaliland waana  kuwo hore u jiri jiray oo dawladii danbe ee Somalilandna, marka laga reebo Ceel-afweyn waxay u magacawday gobolo.”

Xildhibaanka oo doodiisa sii wataa waxa uu yidhi“ Gobaladan B-da ahayd waxa ku jiri jirtay Gabiilay Gabiilay meel lagu qiimeeyay oo A lagaga dhigay anigu garan maayo, dawlada Somaliland iyadana waxay ka dhigtay gobal, markaas sabaab ay dawladu magaalooyinkaas waaweyn dib ugu qiimayso ama waa in dib loo wada qiimeeyaa waxii la dhan jiray B iyo C oo dhan oo ay ku jirto Gabiilay ama waa in layska daayaa ileen gobalo ayaaba laga dhigaye, xukuumaduna waa inay dib u qiimayn ku samaysaa degmooyinkan badan ee ay magacawday laakiin degmooyin gobalo loo magacaabay waa in lagu  wareeriyo maaha Kharashka umadan.”

Waa uu sii watay xildhibaanku “ waxa jira lix degmo ooilaa Ingiriiskii inagaga tagay Boorame,Hargeysa, Bebera,Burco,Laasacaanod iyo Ceerigaabo, lixdaas gobal ee Ingiriisku inagaga tagay A- na waa ku ogaa doorashooyina waa ay lahaayeen ilaa Ingiriiskii xagan Gabilay  laga raaciyay xeerkeebay ku jirtay, A+ gudi qaran ayaa qiimayn karta uun waana la ogyahay inay caasimad tahay A+   halka ay ka timi adiga ayaa sheegi ee lagu qiimeeyay, marka ay timaado degmooyinka A ee Burco iyo Berbera  inay qaataan 11 Gabilay iyana inay qaadato 11 maaha, Gabilay kuma kacsani laakiin waa inay heerkeeda taagnaataa .”

%d bloggers like this: