-Wararka naga soo gaadhaya magaalada Berbera ee xarunta gobolka Saaxil ayaa sheegaya in shil baabuur uu maanta ka dhacay jidka u dhexeya magaalooyinka Berbera iyo Hargeysa.
Gaadhigan dhacay ahaa gawaadhida loo yaqaano NOAH oo kamida gaadiidka iskaga kala goosha gobolada dalka iyo waliba magaalada Garoowe.
Waxaana uu shilkan baabuur ee dhacay uu sababay dhimashada Laba Ruux iyo dhaawac dad kale.
Maydka iyo dhaawaca dadkan ayaa la gaadhsiiyay Cusbitaalka Magaalada Berbera halkaas oo la sheegay in xaaladooda caafimaad lagula tacaalayo dadkii dhaawacu soo gaadhay.
Gabagabadiina mudooyinkii u danbeeyey ayaa waxa isa soo tarayay shilalka baabuurta kuwaas oo sababayay khasaare naf iyo maalba leh,waxaana ciidamada booliska Somaliland ay jidadka waa wayn ee isku xidha gobolada dalka ay ka bilaabeen hawlgalo ay ku adkaynayaan amaanka wadooyinka iyaga oo darawalada baabuurtana waydiinaya sharciga ay ku wadaan baabuurka.
