Goorsheegtu waxay maraysaa ilaa 9:30 fiidnimo waa magaalada jabuuti gaar ahaan suuqa ifaniiga la yidhaa,waxaan hortaaganahay tukaan halkaas ku yaala oo mudooyinkii u danbeeyay een jabuuti joogay aan macmiil la ahaa oo marka aan sii hoyanayo ka sii qaadan jiray waxyabaha aan u bahanay, inan raage la yidhaa oo kaftan wadaag ahayn ayaa tukaanka haysta markasta oon hor istaago waxuu igu bilaabi jiray( ka waran soomaalilandtii) waa halhays uu caado u lahaa oo markuu indhaha iga qaadaba igala hor iman jiray.anoo taagan oonu laba erey is nidhi ayaa waxaa garabkayga midig soo istaagay wiil ay baahi badan ka muuqato oo aad diifta haysa ay korkiisa ka soo baxday waxaa afkiisa ka soo baxay walaal ma kula hadli karaa,intaan naxay anoo maskaxdaydu markiiba sida giraanta is wareejisay oo daqiiqado kudahood dhawr su’aalood soo tuurtay ayaan si degan oo aad moodo inuu weedhuhu dirqi igaga soo baxayaan ugu jawaabay haa walaal waad ila hadli kartaa.
Isagoo wajiigiisa aad ka dheehanayso inay waxoogaa naruura ahi ku soo biireen igu yidhi ereyadan (walaal nin dhalinyara oo qayrkaaya oo wakhtigu idin kala sareesiiyay ayaan ahay balse ma garanayo waxaan galabsaday oo sidan ii galay waxaan seexdaa oo hoy ii ah gidaarka halkaa ka soo jeedaa barandihiisa oo ay reer jabuutigu u yaqaanaan teeraan waxaan wax la quutaa oo aanu wax wada quudanaa xayawaanka iyo bahala aadmigu ka baqo ayaanu gudaafadaha wada fadhanaa hanbadana kala qaybsanaa laakiin caawa intaasi sadbay ahayde intiina caawa ma hayo ee hadaad waxaan jidiinka ku qooyo I tari karto I tar walaal adoo raganimo iyo tii bini aadam tinimadaba eegaya).intay ilmo kulul oo amar la’aan ku socotaa iga soo yaacday ayaan anoo jawaab u celin waxoogaa jar jara oon jeebada ku hayay isla markiiba tukaankii caano iyo buskud ka iibiyay meel tukaanka u dhawayd oo shuwaarmo lagu iibiyana laba shuwaarmo uga qaaday, dhuunta anoo ilmada cesh ceshanaya oo hadli karin ayaan u fiiqay wajigiisa ayaan eegay mise waabu ilmaynayaa sidii laga boobayo kale intuu markiiba si degdega iiga qaatay ayuu igu yidhi walaal ilaahay ha ku dhargiyo waligayna meel baad igaga taala,wuu iga dhaqaaqay dhinca waqooyi jiho ku beegan waan sii fiirshay intuu ka sii talaabayay wadada ilaa uu gaadhay goobtii uu ka deganaa magaalada jabuuti, haduu gaadhay hooygiisii uu ku faraxsanaa ee ay walaalaha ku ahaayeen qaar kaloo la da a oo waayuhu walaalo ka dhigay markiiba anoo wali ka jeedsan ayuu waxuu kiciyay laba kaloo ag jiifay una sheegay sidaan ficiladiisa ka dheehanayay inuu cunto u sido markiiba intay how soo idhaahdeen hareeraha kala galeen inkastoo oo ay aanay ku filnayn aniguna markaa wax lacaga jeebka ku hayn laakinse aan aad iyo aad ugu qushuucay sida deeqsinimada iyo faxalnimada leh ee ay u wadaagayaan wax kastoo oo ay soo heeleen,waa deeqsinimo ay adagtahay sida loo heli karo waa faxalnimo ay waajib tahay in la wadaago oo la wada quuto waxii la soo helo ee nolol maalmeedka ah waa deeqsinimo uu ilaahay kala siiyo aadmigiisa.
Waxaan iska galay hotelkii aan degana cabaar markaan makhsinkaygii ku jiray waxaa maskaxdayda ka bixi wayday ereyadii qof dadnimo lihi ka damqanayay ee inankii dhalinyartii igu yidhi, waxaan fakiraba oon aduunyada iyo duruufaheeda rog rogaba waxaan go’aan saday inaan baxo lana soo sheekaysto wiilkii raganimadu ku idlayd si dhakhsa ayaan u baxay waxaan aaday halkii ay jiifeen wiilkaa iyo asxaabtii markii aan joogo halkay fadhiyeen ayaan intaan salaamay waydiiyay inaan la fadhiisan karo si gobanimo leh ayay iigu jawaabeen saaxiib soo fadhiiso halkan intay dhinac isu uruuriyeen,inankii aan is aragnay markii hore maahee labadii kale oo aan ogayn waxaa meesha I keenay iyo inaan saaxiibkood is aragnay ayaa iyagoo hoos u xashaa shaqaya “talaw kana ma wayihii aduunka ayaa soo tufay kii kalaa hadana ku celinaya waar mayee dhar hagaagsan ayuubu xidhanyahee xiise darbi jiifnimo ayaa haysa oo noloshii guriga ayaa dhibtay”.waxaan ku idhi saaxiibayaal nin ayaanle la yidhaa ayaan ahay oo jaarkiina ah ee magacyadiina idinkuna ii sheega wiilkii aanu is aragnay ayaa intuu hadalkii la booday yidhi,(saxiib aniga axmad ayaa lay yidhaa, labadaa nine kalena deeq iyo fu’aad ayaa la kala yidhaa ee barasho wanaagsan saaxiib ayaanle).
Axmed ayaan waydiiyay xaaladooda nololeed,axmed waxaa uu ii galay sheekadan dheer.{saaxiib ayaanlaw horta sidaad dushayada kaaga muuqata waxaanu nahay rag dhalinyara oo waayo adag iskaga nool hoyna uu noo yahay gidaarkan aad arkayso inkastoon ku faraxsanahay anigiyo saaxiibaday noloshan waxaanu subaxdii ku foofnaa suuqaa oo arsaaq yaa fataax ayaanu nidhaa anakoo ku kalsoon shaqadayada iyo xoogayaga waxaanu masaxna baabuurtii maalinba intuu ilaahay noo qoray ayaan kala nimaadna intaas ayaanu ku dabarnaa nolol maalmeedkayaga habeenkiina halkan ayaan ku soo hoyanaa anakoo iska waraysana ninba waxuu maanta soo shaqeeyay iyo wax yaabuhuu suuqa maanta kala kulmay},markaa halkaa marayo ayaan waydiiyay waalidkood iyo qoyskoodii.
Intuu labada lugood fidsaday oo uu is dul saaray ayuu isagoo foorara dhulkana eegaya yidhi{saaxiib aniga labadaydii waalid anoo yar ayay dhinteen habaryartay oo waxooga isoo korisay way dhimatay anoo yar ayaan suuqa soo galay intaasna aan ku leekaaday,maalinkastana waxaan is waydiiyaa goorta aan noloshan ka baxayo laakiin markaan xag kasta oo noloshu leedahay eego waxaan yaqiinsadaa inaanan dhana uga bixi Karin xaaladan nololeed een ku suganahay ilaahay oo farash ii fura mooyee qofna uurka hooyadii kalamuu soo dhicin nolol xun iyo wanaagsanba laakiinse markuu uurka hooyadii ku jiro ayuu ilaahay qofkasta u qaraa intuu dunida aluubanyahay waxuu calaf ku leeyahay markaa waanu ku qasbanahay anigiyo saaxiibaday inaanu ku faraxsanaano noloshani dadaalkuna waa mid meesha yaala ilaahay ayaa bariba inaanu noqon doono madax dalkani ka talisa naga dhigi}.waa ereyo runtii taabanaya qalbiga hayeeshee xaqiiqa ah oo ay tahay ta aanu marna dhaafi Karin,waa han iyo kalsooni mugeeda leh samirkii ayuubna bud dhig u yahay oo laga yaabo dad daafaha dunida ku nool oo hanti iyo maalba haysta inaanay lahayn sadexankaa ficil ee axmed balaysinka uga dhigay noloshiisa iyo wayaaha uu ku noolyahayba, axmed waxaa uu I baray wax badan oo nolosha iga dhinaa aqoonta iyo garashadu maaha ta adiga oo kaliya kugu jirtee waa ta ku jirtaa bulshada kugu xeersan ee ninba ilaahay ka garansiiyay dunida.
Aniguna intii taagtayda ahayd een is lahaa axmed waad ku kordhin kartaa garasho iyo waayaba ayaan kula taliyay anoo maansadii sirta nolosha ee abwaan hadiraawi kaga faaloonayay qaybaha ay noloshu leedahay,markasta oon dhawr bayd uga soo qaadaba maarkaan dhameeyo axmed waxuu odhanay walaahi waa run.axmed waan is maca salaamaynay anigoon jeclayn inaan soo jeediyo waayo waxay u kalahayaan shaqadoodii waxaan ku idhi iska sexda saaxiib una samra nolosha iinsha kuwii guulaysta ayaad noqonaysaan,si kal iyo laaba ayay ii maca salaameeyeen mid kastaana halkiisii yarayd ayuu islaabay. Waxaan ku soo gunaanadayaa heestii aan ku sameeyay magaalada jabuuti.
Taariikhda faalee
Waxii tagay ha naawilin
Ka tir maanka gocashada
Ha tig tigin garaadkana
Bari iyo timaadada
Inaad taliso baandhee
La tartan asaagaa
Tamar gali awoodana
Kuna taam abidkaa
Taariikhda tii wacan.
Qalinka: AYAANLE BOOBE YUUSUF DUCAALE
EMAIL:aboobe@hotmail.com
GABILEY,SOOMAALILAND.
