Gaashaanle dhexe siciid cawil jaamac (caare) waxa aragtidiisa iigu horaysay 6dii bishii APril sanadkii 2012kii isagoo ku sugan xero kamida fadhiisimada ciidanka qaranku ku leeyihiin gobolka sool gaar ahaan qaybta 17naad xerada aanu ku kulanay isla markaana aan waraysiga kaga qaaday waxay ku taalay duleedka. Dhinaca koonur bari ee magaalada laasacanood.
Ujeedada socdaalka aanu halkaa ku tagnay ayaa ka danbay kadib markii dagaalo laba jiho ah ay ciidamii Ssc ku soo kala qaadeen ciidmada qaranka ee fadhiisimadoodu yihiin aaga buuhoodle iyo ganbadha halkaasiyoo ciidamada qaranku khasaare badan ku gaadhsiiyeen malaashiyaadkii majara habowsanaa kana qabteen 48 maxbuus 45 qoryaha fududa iyo sidoo kale gaadiid 6 ahaa isla markaana ahaa nooca loo yaqaano bcap kuwaasiyoo qaarkood qoryo saaraayeen waxaanuu ahaa dagaalkaasi kii ugu danbeeyay ee ay maleeshiyaadkii nabad diidka ahaa ku soo qaadaan ciidanka .
Taliyihii ciidanka qarnka ee hore sareeye gaas ismaaciil shaqle iyo saraakiil sarsare oo ciidanka qaranka ah ayaa socdaal dagdaga ugu baxay markaasi labada aag buuhoodle iyo sool aniga sawirqaade Cabdilaahi cali suudi ayaa safarkaasi ku wehelinaya socdaalkayagana waxaanu ka bilownay aaga buuhoodle halkaasiyoo uu taliye shaqale iyo saraakiishii la socotay guuto guuto u kormeereen ciidankii aagaasi islamarkaana kuna dardaarayeen ciidanka ilaalinta shacbkooda natooda iyo qarnkooda sidoo kalena kalena dhiirigalin taakulayn iyo abaalmarinba ku siinayeen ciidanka maalintaasiyoo idil.waxay noo ahayd socod iyo kormeer aan joogsi lahayn goor gaaban oo ku dhaw maqribkii ayuu noo dhamaaday gormeerkii aaga buuhoodle anagoo u soo kolonyaysanay dhinaca gobolka sool si aanu kormeerka qabtiisii labaad halkaa uga bilawno maalinta labaad habeenkaasina waxaanu u soo hoyanay magaalada oog oo ah fadhiisinka taliska ciidamada aaga bari ee somaliland.
Subaxnimadii labaad waxanu sii guda galay kormeerkii taliyuhu ku marayay ciidamada baxdo iyo dhacdo maalintaasiyoo dhana waxay noo ahayd kormeer ma qiyaasikaro isbedelka shucuurtayda ay ku keeneen kormeerkaasi waayo waxaan ogaaday in somaliland leedahay ciidan qaran oo dhisan xaga qalabka saanada iyo tayada intaba maalintaa wixii ka danbeeyayna aniga warwar igama galin xag alla mooyee difaaca qaranimada iyo ilaalinta nabada somaliland.
Aaga gobolka sool waxay ahayd halkii malaashiyaadka nabad diidla ah laga furtay hub iyo saanad waxay siteen laguna qabtay 48 kii maxbuusba ciidamada somaliland umay arkayn maxaabiis balse waxay ula dhaqmayeen inay yihiin dhashoodii ama dhalintoodii ama dadkoodii oo lama jara habaabiyay si naxariis iyo daryeel ku jirana waxay u soo gaadhsiiyeen gacanta dawlada dawladuna daryeel dheeraada iyo jeeb buuxisba way isugu dartay waxyar kadib markii ay ku jireen xabsi kooban oo isugu jiray wax sheeg waano iyo caqli celin waanay sii daysay.
Kornayl caare socdaalkayagii maalintii labaad ee kormeerka ciidanka qaranka qaybta 17naad ayaan ku waraystay wuxuu ahaa nin ciidan ahaan dhisan akhlaaq ahaan dhisan dadnimo ahaan dhisan dal jacayl badan iyo geesinimo ka muuqato wuxuu ahaa nin isku kalsoon kuna kalsoon ciidankiisa iyo xilkii uu ka hayay tusaale ahaan markaan waraysiga ku bilaabayay waxaan xilkiisa ku sheegay taliyaha qaybta sahanka ee ciidamada jiida hore balse markiiba wuu igu soo hal.celiyay waxaanu igu yidhi waxaad tidhaahdaa taliyaha waaxda sahanka ee aaga. Taasiyoo ku tusaysa isku kalsoonaata naftiisa iyo ilaalinta dhisibiliinka ciidan nimo ee ka muuqday.
Wuxuu wuxuu waraysigii igu bilaabay maleeshiyaadka mabad diidka ah ee la qalday ayaa laba aag oo kala ah kalabaydh iyo ganbadha soola iyo sidoo kale aaga buuhoodle naga soo weeraray 1di bishan afraad waxba se kamay dheefin oo waataa aad ragtiid gaadiidkii ay wateena dabadayda yaala oo waanu qabsanay intoodii badnayda maxaabiis iyo qoryihii oo aanu ka furanay ayay noqotay waa dadkayagii oo la khladay waxa nagu waajiba inaanu ilaalino intaanu dhawrikarana waanu dhawraa. Ayuu hadal kooban oo uu isiiyay ku soo gabagabeeyay kornayl caare markii iigu horaysay ee aan arkaa waxay ahayd marka
Markii xigtay mudo sanad iyo dheeraad kadiba ayaan ku kulanay hargaysa isagoo fasax ku yimi waan isu sheegay oo aan is xasuusiyay wuxuu isoo dhaweeyay si farxad badani ka muuqato waxaanuu igu yidhi kalmad ilaa imika aan maskaxdayda ka bixin oo ahayd illahay ha idin karaameeyee waxaad qiimayseen qarankiina iyo ciidanka qarankiina waanu daawaynay barnijyadiinii kuwo aanu ku faraxnay oo aanu ku diirsanay oo na dhiiri galiyaybay ahaayee. Taasiyoo kuu muujinaysay dal jacaylka iyo wadaniyada kornayl caare.
Qormadan kooban waxa igu kalifay hadal haynta faraha badan ee bara bulshada ka socota ee lagu hadal hayo kornayl caare kuwaasiyoo qaar dhaliilaya iyo kuwo difaacayaba leh waxaan odhanlahaa ka daaya kamuu tagin dalkiisa kumana aha cadow wuuse cadhoonkaraa waa bini aadam wax diidi kara waxna taban kara waanay socotaa xalinta arintaasi balse inta dhaliilaysa ama caayaysa waxaan leeyay ma gayo kornayl caare ee kadaaya ciidanka qaranku dhamaantood sharaf iyo karaamay inaga mudan yihiin waxay leeyihiin sharci nimaad iyo kala danbayn kooga khaldana qabta ka wanaagsana lagu abaal mariyo waxaan idin odhanlahaa bulshooy arinta kornayl caare ka daaya siyaasada naxliga iyo qabyaalada anigu aragtidayda gaarka ah waxaan aaminsanay inuu yahay ninkaasi wadani somaliland jecel ciidanka qarankuna jecelyahay.wuxuu ku qaldanyahayna qirsan ee halaga daayo hadalada naxliga abuuraya ee bara bulshada la isku waydaarnayo
W/Q:-Saxafi Xassan Shaah.
