USA (GNN):- Sanatarada dalka Mareykanka ayaa waxay sheegeen in imika in ka badan sidii hore ay u rumaysan yihiin in dhaxalsugaha Sacuudiga Maxamed Bunu Salmaan uu door ku lahaa dilkii wariye Jamal Khashoggi.
Sanatarada ayaa hadalkan sheegay ka dib markii ay kulan gaar ah la yeesheen saraakiisha laanta sirdoonka Mareykanka ee CIA.
Weerar dhanka afka ah oo uu Sanatar Lindsey Graham ku qaaday dhaxalsugaha ayaa waxa uu ku sheegay โin kalsooni sare uu ku qaboโ uu ku lug lahaa dilka wariye Jamal Khashoggi.
Sanatarka ayaa ku tilmaamay boqortooyada Sacuudiga in ay yihiin โkuwa waalan oo halis ahโ,.
Dowladda Sacuudiga ayaa dilka wariye Jamal waxa ay u maxkamadeysay 11 qof.
Balse dowladda Sacuudiga ayaa beenisay in dahaxalsuge binu Salman uu ku lug lahaa dilkaasi.
Maxay yiraahdeen sanatarada?
Xubnaha guddiga xiriirka arrimaha dibadda ee aqalka Sanet-ka lama aysan gabban erayadooda ka dib markii ay la kulmeen agaasimaha hayโada CIA Gina Haspel.
Sanatar Lindsey Graham ayaa sheegay in uusan taageereyn dagaalka Sacuudiga ay ka wadaan Yemen ama in hub laga iibiyo xukuumadda Riyadh inta uu awoodda hayo dhaxalsugaha.
Sanatar Bob Menendez, oo ka tirsan xisbiga dimuqraadiga ayaa dhankiisa wariyayaasha u sheegay โin uu imika ku qanacsan yahay si ka badan sidii horeโin dhaxalsugaha Sacuudiga uu masuul ka ahaa.
Waxa uu intaa ku daray in Mareykanka ay qasab tahayโin ay diraan farriin cad oo ah in ficilada noocaas oo kala ah aan la aqbali Karin marka la eego marxaladda uu maanta caalamka marayoโ.
Sanatar kale oo lagu magacaabo , Bob Corker, ayaa wariyayaasha isna u sheegay: โin aysan maskaxdiisa wax suโaal ah uga jirin in dhaxalsuge Maxamed Binu Salmaan uu amray dilka.โ
Sanatar Bob oo ka tirsan xisbiga Jamhuuriga ayaa intaa ku daray โin haddii maanta Binu Salmaan la horkeeni lahaa garsoore in 30 daqiiqa gudahod dambiga loogu heli lahaa.โ
GABILEY.NET