Hargeisa(GNN):-Wasaaradda Cadaaladda Somaliland, ayaa maanta furtay aqoon-isweydaarsi ku saabsan curinta shuruucda dalka.
Ujeeddada kulanku waa in la helo fahan guud oo la xidhiidha hannaanka samaynta iyo hal-abuuridda shuruucda.
Kulanka waxa ka soo qayb galay dhammaan wasaaraddaha iyo hay’addaha ay khusayso curinta shuruucdu, sida wasaaradda xidhiidhka golayaasha, baarlamaanka iyo arrimaha Dastuurka, xafiiska Xeer-Ilaalinta guud, xafiiska garyaqaanka guud, maxkamaddaha, ururka Qareennada Somaliland, ururka Qareennada haweenka iyo khubaro kale oo ku xeel-dheer samaynta shuruucda.
Kulanka waxa furay agaasimaha Guud ee wasaaradda Cadaaladda Cabdiraxmaan Sheekh Xasan Ismaaciil, waxaanu socon doonaa muddo saddex maalmood ah.
