Wararka ayaa sheegaya in ciidankan oo ku hubeysan gaadiidka dagaalka iyo hub culus ay qabsadeen qeybo ka mid ah degmada Galinsoor ee gobolka Mudug halkaasoo ay dhigteen labo jidgooyo, iyagoo gaadiidka u diidaya inay maraan.
Arintan ayaa sababtay in gaadiid badan oo u kala gooshayey gobolada dalka ay ku xayirmaan Galinsoor.
Saraakiisha ciidankan ayaa sheegay in inta laga siinaayo mushaharkooda oo ka maqan muddo lix bilood ah aysan furi doonin jidadka ay xirteen, waxaana kacsan xaalada Galinsoor.
Ma jiro illaa hadda war arrintan ku saabsan oo ka soo baxay Maamulka Galmudug, hase ahaatee wararka ayaa sheegaya in masuuliyiin ka tirsan maamulkaas ay ku howlan yihiin sidii ciidamada gadoodsan loo qancin lahaa, ayna ugu laaban lahaayeen xeryahooda.
Dhowr mar ciidankaan ayaa halkaas ka sameeyey Gaadood ciidan in kastoo xal laga gaaray arinkaan Xiligaaas Gadoodka Ay sameeyeen.
