Ma Ogtahay Marxuum Kornayl C/kariim Xaashi Cilmi Inuu Ahaa Halyeygii La Wareegay Taliskii & Hoggaanka Dagaalkii Burco-duurray Isla Markii Uu

Sannadkasta Bisha Tobnaad 17keeda, waxa la xusaa oo loo asteeyey Maalinta Shuhadada SNM, Maalintaasoo ahayd Maalintii ay Mujaahidiin badan oo uu ka mid ahaa Halgamaagii weynaa Mujaahid Maxamed Xaashi (lixle) ay ku le’deen Dagaal ba’an oo ka dhacay Burco-duurray.

Haddaba aan hollado Bartilmaameedka Maanta oo ah Su’aal iswaydiin mudan oo isoo hor marta Maalmahan oo kale, Su’aashaasoo ah: Sida la Ogsoonayahay  Muj aahid Lixle Maalintii uu dhintay waxa uu Hoggaaminayey Guutadii Burco-duurray ka dagaalantay oo ka koobnayd Saddex Urur, Haddaba Dhimashadiisii kaddib yaa halkiisii galay oo Calankii iyo taliskii la wareegay, Hoggaankana u qabtay  Mujaa hidiintii SNM?

Jawaabta Su’aashan oo aan raadin jiray ayaa waxaan helay Shalay Sabtidii oo  a an si toosa ula kulmay Sarkaalkii Goobtaasi Nafwaaga kula Wareegay  Hoggaam intii iyo Taliskii, ee uu ka dhiidhiyey inuu Calanku dhul u dhaco, Waa Mujaahid  Max amed Xaashi Cilmi oo wakhtigan ku nool Hargeysa.

Mujaahid C/kariim Xaashi Cilmi waxa uu ka mid ahaa Saddexdii Sarkaal ee kala ho ggaaminayey Guutadii uu Watay Lixle ee Saddexda Urur ka koobnayd ee gaashay Burco-duurray. Mar aan wax ka waydiiyey Arrintan waxa uu ii sheegay in Sadde xdaasi Urur ay kala hoggaaminayeen Issaga (C/kariim), Sarkaal kale oo Magaciisu la yidhaa C/razaaq Axmed Cali iyo Mujaahid Lixle oo dusha kasii wada  xukumaay ey Guutada.

Intaasi waxa uu ii raaciyey inkastoo ay aakhirkii guulaysteen hadana Maalintaasi waxaa dhacay in Saddexda Urur midba dhankiisa loola lug iyo laanba beelay, Taasina ay keentay Mujaahidiin badan inay halkaasi ku naf waayaan. Waxaana isla markii uu dhaawacmay hoggaankii Guutada Mujaahid Lixle, Xilkii iyo Taliskii la wareegay Calankiina Dhul inuu u dhaco u diiday Mujaahid C/kariim Xaashi, oo halkaasi kasii waday Hoggaamintii iyo Dagaalgalintii Mujaahidiinta.

Mujaahid C/kariim Xaashi waxa uu Maalintaasi dejiyey issagoo Hoggaankana u haya Hab ama Qaab iyo Qorshe Cusub oo aan horey loo arag oo lagaga  guulays tay Cadawgii, Mujaahidku Maalintaasi muu fadhiisan ilaa Dhimasho iyo Dhaawac uu miduun ku soo helo Mujaahid Lixle, Waxaana issaga iyo Saraakiil kale aakhirkii ku soo guulaysteen Raad-cadii iyo halkii uu yaalay Issagoo Gacantiisa ku soo qaa day Mujaahid Lixle Ilaahay Naxariistii Janno haka waraabiyee.

Guusha uu Mujaahid C/kariim kasoo hooyey Dagaaladaasi, ayaa isla maalmahaasi lagu abaal mariyeyLabo Billad Geesi. Waxaana halkaasi kasii socday Halgankii Xaq u dirirka SNM oo dar dar cusub lasoo baxay, Kalsooni iyo dhiiranaan faro  bandan na kasii qaaday Dagaalkaasi Burco-duurray sida uu ii sheegay Cabdikariim Xaashi Cilmi.

Gebogabadii Waxaan dhammaan ummadd Reer Somaliland usoo jeedinayaa inay Fiiro gaara u yeeshaan Xiddigihii Dagaalka Wakhtiyadii Halganka, Waayo Ummad waliba waxay leeyihiin Xiddigo ay ku hirtaan, kuna faanaan.