Ra’iisul wasaarihii hore ee Ingiriiska David Cameron ayaa diiday codsi uu usoo bandhigay ra’iisul wasaaraha haatan ee Boris Johnson oo ah inuu hogaamiyo shirka 26-aad ee isbaddallada cimilada ee bisha Nofeembar ka dhacay magaalada Glasgow ee dalkaas.
Cameron ayaa rumeysan in shaqadan la guddoonsiiyo wasiir ka tirsan dowladda.
Waxay arrintani imaaneysaa xilli Claire O’Neill oo ahaan jirtay wasiirkii hore ee tamarta iyo dhaqaalaha laga qaaday xilkaas.
Xafiiska ra’iisul wasaaraha Ingiriiska wax war ah kama uusan soo saarin arrintaas.
Lord Barker of Battle oo ahaan jiray wasiirkii tamarta iyo ka hortagga isbaddallada cimilada xilliggii Cameron ayaa BBC u sheegay in David Cameron uusan haatan dooneyn in uu dib ugu soo laabto siyaasadda.
